ଇ-କମର୍ସ କମ୍ପାନିଗୁଡ଼ିକ ବିକୁଛନ୍ତି ନକଲି ସାମଗ୍ରୀ; ପ୍ରତି ୫ ସାମଗ୍ରୀରେ ୧ ନକଲି: ସର୍ଭେ
ମୁମ୍ବାଇ: ନିକଟରେ ହୋଇଥିବା ଏକ ସର୍ବେକ୍ଷଣରୁ ଜାଣିବାକୁ ମିଳିଛି ଯେ ଇ-କମର୍ସ ଦ୍ୱାରା ବିକ୍ରି ହେଉଥିବା ୫ଟି ସାମଗ୍ରୀ ମଧ୍ୟରୁ ଗୋଟିଏ ନକଲି। ବିଶେଷ କରି ସୌନ୍ଦର୍ଯ୍ୟ ପ୍ରସାଧାନ ଓ ସୁଗନ୍ଧ ସାମଗ୍ରୀ ଏହାର ଅନ୍ତର୍ଭୁକ୍ତ ବୋଲି ଜାଣିବାକୁ ମିଳିଛି। ଏହି ସର୍ବେକ୍ଷଣର ରିପୋର୍ଟ ଗଣମାଧ୍ୟମ ସଂସ୍ଥା ‘ଟାଇମ୍ସ ଅଫ୍ ଇଣ୍ଡିଆ’କୁ ଦିଆଯିବା ପରେ ଏହା ଲୋକଲୋଚନକୁ ଆସିଛି। ଏପରିକି ‘ଆମାଜୋନ ଇଣ୍ଡିଆ’ରେ ନକଲି ସାମଗ୍ରୀ! ବୋଲି ଏକ ଖବର ବି ପ୍ରକାଶ ପାଇଥିଲା।
Sambad is now on WhatsApp
Join and get latest news updates delivered to you via WhatsApp
ଗତ ଛଅ ମାସ ମଧ୍ୟରେ ୨୦ ପ୍ରତିଶତ ଲୋକ ସ୍ୱୀକାର କରିଛନ୍ତି ଯେ ସେମାନେ ଅନେକ ସମୟରେ ଇ-କମର୍ସ କମ୍ପାନିଗୁଡ଼ିକଠାରୁ ନକଲି ସାମଗ୍ରୀ ଗ୍ରହଣ କରିଛନ୍ତି। ଆହୁରି କିଛି ଗ୍ରାହକ ମତ ରଖିଛନ୍ତି ଯେ ସାମଗ୍ରୀ ଗ୍ରହଣ କରୁଛନ୍ତି ସତ କେଉଁଟି ଅସଲି ଓ କେଉଁଟି ନକଲି ତାହା ସେମାନେ ଜାଣିପାରୁ ନାହାନ୍ତି।
ଏକ ପ୍ରଶ୍ନ ଉଠିଥିଲା ଯେ କେଉଁ ଇ-କମର୍ସ କମ୍ପାନି ସର୍ବାଧିକ ନକଲି ସାମଗ୍ରୀ ବିକ୍ରି କରୁଛି? ଏହି ପ୍ରଶ୍ନର ଉତ୍ତରରେ ୩୭ ପ୍ରତିଶତ ଲୋକ କହିଥିଲେ ସ୍ନାପ୍ଡିଲ୍, ୨୨ ପ୍ରତିଶତ ଲୋକ ମତ ରଖିଥିଲେ ଫ୍ଲିପ୍କାର୍ଟ, ୨୧ ପ୍ରତିଶତ ଲୋକ ପେଟିଏମ୍ ମଲ୍ କହିଥିବା ବେଳେ ଆମାଜୋନ୍ ବିପକ୍ଷରେ କହିଥିଲେ ୨୦ ପ୍ରତିଶତ ଲୋକ। ବିଶେଷ କରି ଆଲିବାବା ଓ ଆମାଜନ୍ ପରି ବ୍ରାଣ୍ଡ୍ଙ୍କ ଉପରେ ଗତ କିଛି ଦିନ ଭିତରେ ନକଲି ଉତ୍ପାଦ ବିକ୍ରି କରୁଥିବା ଅଭିଯୋଗ ରହଛି।