ଇଣ୍ଡିଗୋ କର୍ମଚାରୀ ଯାତ୍ରୀଙ୍କୁ ମାଡ ମାରିବା ପରେ ଅନ୍ୟ ଏୟାରଲାଇନ୍ସ ଜାରିକଲେ ମଜାଦାର ବିଜ୍ଞାପନ
ନୂଆଦିଲ୍ଲୀ:ଦିଲ୍ଲୀ ଏୟାରପୋର୍ଟରେ ଇଣ୍ଡିଗୋ ଏୟାରଲାଇନ୍ସ ଗ୍ରାଉଣ୍ଡ ଷ୍ଟାଫ୍ଙ୍କ ଦ୍ୱାରା ଜଣେ ଯାତ୍ରୀଙ୍କୁ ମାରିବା ଘଟଣା ସମଗ୍ର ଦେଶରେ ଆଲୋଡ଼ନ ସୃଷ୍ଟି କରିଥିଲା। ଏ ସଂପର୍କିତ ଭିଡିଓ ଗଣମାଧ୍ୟମରେ ପ୍ରସାରଣ ହେବାପରେ ଇଣ୍ଡିଗୋ ସଭାପତି ଆଦିତ୍ୟ ଘୋଷ ବେସାମରିକ ବିମାନ ଚଳାଚଳ ମନ୍ତ୍ରାଳୟକୁ ବିସ୍ତୃତ ରିପୋର୍ଟ ଦେବା ସହ ଏ ବାବଦରେ କ୍ଷମା ପ୍ରାର୍ଥନା କରିଥିଲେ। ଏଥିପାଇଁ ଦାୟୀ କର୍ମଚାରୀଙ୍କୁ ତୁରନ୍ତ ବହିଷ୍କାର କରାଯାଇଥିବା ସେ କହିଥିଲେ। ତେବେ ବିମାନ ବନ୍ଦରରେ କର୍ମଚାରୀଙ୍କୁ ଉସୁକାଇ ଯାତ୍ରୀଙ୍କୁ ଆକ୍ରମଣ କରିବା ପଛରେ ଇଣ୍ଡିଗୋରୁ ବହିଷ୍କୃତ ହୋଇଥିବା ଜଣେ ପୂର୍ବ କର୍ମଚାରୀଙ୍କ ହାତଥିବା କୁହାଯାଇଛି । ସେ ଯାତ୍ରୀଙ୍କୁ ମାରିବା ପାଇଁ ଉସୁକାଇଥିଲେ ଏବଂ ଏହାର ଭିଡିଓ ସୁଟିିଂ କରିଥିଲେ ବୋଲି ଇଣ୍ଡିଗୋ ପକ୍ଷରୁ ସଫେଇରେ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଏହି ଘଟଣାକୁ ନେଇ ଅନ୍ୟ ଏୟାର ଲାଇନ୍ସମାନେ ମଜାଦାର ବିଜ୍ଞାପନମାନ ସୋସିଆଲ୍ ମିଡିଆରେ ପୋଷ୍ଟ କରିଥିବା ଖବର ମିଳିଛି। ଏୟାର ଇଣ୍ଡିଆ ପକ୍ଷରୁ ପ୍ରକାଶ କରାଯାଇଥିବା ଦୁଇଟି ବିଜ୍ଞାପନ ଦେଖିବାକୁ ମିଳିଛି । ଗୋଟିଏରେ ଲେଖାଯାଇଛି- ‘ଆମେ ହାତ ଉଠାଉ, କେବଳ ନମସ୍କାର କହିବା ପାଇଁ’ ଓ ଦ୍ୱିତୀୟଟିରେ ‘ଅନବିଟେବୁଲ୍ ସର୍ଭିସ୍’।
ସେହିପରି ଜେଟ ଏୟାରେଓ୍ଵଜ୍ର ଏକ ବିଜ୍ଞାପନ ସୋସିଆଲ୍ ମିଡିଆରେ ନଜର ଆସିଛି। ଏଥିରେ ଇଂରାଜୀରେ ଲେଖାଯାଇଛି- ‘ଉଇ ବିଟ୍ ଆଓ୍ଵାର କମ୍ପିଟିସନ୍, ନଟ୍ ୟୁ।’
ତେବେ ଜେଟ ଏୟାରେଓ୍ଵଜ୍ ପକ୍ଷରୁ କୁହାଯାଇଛି କି ଏହି ବିଜ୍ଞାପନ ସେମାନେ ଜାରି କରି ନାହାନ୍ତି, ଏକ ଜାଲ୍ ବିଜ୍ଞାପନ।