ନୂଆଦିଲ୍ଲୀ: ବେଳେ ବେଳେ ବିମାନରେ ଯାତ୍ରା କରୁଥିବା ଯାତ୍ରୀମାନଙ୍କ ଟିକେଟ୍ରେ ସେମାନଙ୍କ ନାମର ବନାନ ଭୁଲ୍ ରହିଯାଇ ଥାଏ। ତାହାକୁ ସଂଶୋଧନ କରିବା ପାଇଁ ଯାତ୍ରୀମାନଙ୍କୁ ଦେୟ ଦେବାକୁ ପଡ଼ିଥାଏ। ଏଣିକି ଏୟାର୍ଲାଇନ୍ ଯାତ୍ରୀମାନେ ଆଉ ସେପରି ସମସ୍ୟାର ସମ୍ମୁଖୀନ ହେବେ ନାହିଁ। ଯାତ୍ରୀମାନଙ୍କ ସୁବିଧାକୁ ଲକ୍ଷ କରି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଗଜପତି ରାଜୁ ଗୁରୁବାର ଏକ ଘୋଷଣା କରିଛନ୍ତି। ସେ ସ୍ପଷ୍ଟ ଭାବେ ଘୋଷଣା କରିଛନ୍ତି ଯେ ଯାତ୍ରୀମାନଙ୍କ ଟିକେଟ୍ରେ ନାମର ବନାନ ଭୁଲ୍ ରହି ଯାଇଥିଲେ ତାହାକୁ ସଂଶୋଧନ କରିବା ପାଇଁ ଏୟାର୍ଲାଇନ୍ ଅତିରିକ୍ତ ଅର୍ଥ ଦାବି କରିପାରିବ ନାହିଁ।
Sambad is now on WhatsApp
Join and get latest news updates delivered to you via WhatsApp
For the benefit of all passengers – As per DGCA regulations, Airlines cannot charge any additional amount for correction in the name of the same person, when the person brings this to the notice of the airline after booking the ticket.
— Ashok Gajapathi Raju (@Ashok_Gajapathi) November 16, 2017
ଏୟାର୍ଲାଇନ୍ ବିରୋଧରେ ଅନେକ ଯାତ୍ରୀ ଅଭିଯୋଗ କରିବା ପରେ ମନ୍ତ୍ରୀ ରାଜୁ ଏପରି ନିଷ୍ପତ୍ତି ନେଇଛନ୍ତି। ଏ ସଂପର୍କରେ ମନ୍ତ୍ରୀ ଗଜପତି ରାଜୁ ନିଜ ଟୁଇଟର ପେଜ୍ରେ ଉଲ୍ଲେଖ କରିଛନ୍ତି। ସେ ଜଣାଇଛନ୍ତି କି ଅଧିକାଂଶ ଛୋଟ ସହରର ଲୋକେ ସେମାନଙ୍କ ଟିକେଟ୍ ଟ୍ରାଭେଲ୍ ଏଜେଣ୍ଟ ଜରିଆରେ କରାଇଥାନ୍ତି। ଏହି ଛୋଟ ଛୋଟ ଭୁଲ୍ ଏଜେଣ୍ଟମାନଙ୍କ ଦ୍ୱାରା ଘଟିଥାଏ। କେତେକ ଯାତ୍ରୀ ନିରକ୍ଷର ମଧ୍ୟ ହୋଇଥାନ୍ତି ବୋଲି ସେ ମତ ଦେଇଛନ୍ତି।
ଉଲ୍ଲେଖଯୋଗ୍ୟ, କେତେକ ବିଦେଶୀ ଏୟାର୍ଲାଇନ୍ ନାମ ସଂଶୋଧନ କରିବା ପାଇଁ ଗୁଡ଼ାଏ ଟଙ୍କା ଦାବି କରୁଥିବା ବେଳେ ଅନ୍ୟ କେତେକ ଏୟାର୍ଲାଇନ୍ ଏହାକୁ ପୁଣି ଥରେ ସଂଶୋଧନ କରିବା ପାଇଁ ଯାତ୍ରୀମାନଙ୍କୁ ୨୪ ଘଣ୍ଟା ସମୟ ଦେଇଥାନ୍ତି।