ଏୟାରଟେଲ୍ର ବମ୍ପର ଅଫର : ପ୍ରତିଦିନ ୨ଜିବି ଡାଟା ସହ ମିଳିବ ୪ଲକ୍ଷ ଟଙ୍କାର ବୀମା
ନୂଆଦିଲ୍ଲୀ : ଟେଲିକମ କମ୍ପାନୀ ଏୟାରଟେଲ ଭାରତୀ ଏଏକ୍ସଏ ଜୀବନ ବୀମା କମ୍ପାନୀ ସହ ସହବନ୍ଧନ କରି ଏକ ବମ୍ପର ଅଫର ଆଣିଛି । ବ୍ୟବହାରକାରୀ କେବଳ ୫୯୯ଟଙ୍କାରେ ଏହି ଅଫରର ଲାଭ ଉଠାଇ ପାରିବେ । ଏହି ଅଫର ମାଧ୍ୟମରେ ଅନ୍ଲିମିଟେଡ୍ ଫୋନ୍ କଲ ସହ ୨ଜିବି ଡାଟା ଓ ୪ଲକ୍ଷ ଟଙ୍କାର ଜୀବନ ବୀମା ମିଳିବବୋଲି ଜଣା ପଡ଼ିଛି । ଥରେ ରିଚାର୍ଜ କଲେ ଏହାର ସମୟ ଅବଧି ୮୪ଦିନ ପର୍ଯ୍ୟନ୍ତ ରହିବ । ଏୟାରଟେଲ୍ର ୨୪୯ ପ୍ରିପେଡ୍ ପ୍ଲାନ୍ରେ ମଧ୍ୟ ବ୍ୟବହାରକାରୀଙ୍କୁ ୪ଲକ୍ଷ ଟଙ୍କାର ଜୀବନ ବୀମା ମିଳିବ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଏୟାରଟେଲ୍ ୪୯୯ଟଙ୍କାର ପ୍ଲାନ୍ ରଖିଥିବା ବେଳେ ଏହି ପ୍ଲାନ୍ରେ ବ୍ୟବହାରକାରୀଙ୍କୁ ୨ଜିବି ଡାଟା ଦିଆଯିବା ସହ ଏହାର ସମୟ ଅବଧି ୮୨ଦିନ ପର୍ଯ୍ୟନ୍ତ ରହିଥିଲା । ଏବେ ବ୍ୟବହାରକାରୀମାନେ ୫୯୯ର ପ୍ରଥମ ରିଚାର୍ଜ କରିବା ପରେ ପ୍ରଥମେ ତାଙ୍କୁ ବୀମା ପାଇଁ ନିଜର ନାମାଙ୍କନ କରିବାକୁ ପଡ଼ିବ । ମେସେଜ୍, ଏୟାରଟେଲ୍ ଥ୍ୟାଙ୍କ୍ସ ଆପ୍ ବା ଏୟାରଟେଲ୍ର ଅଧିକୃତ ରିଟେଲ ଷ୍ଟୋର ଜରିଆରେ ବ୍ୟବହାରକାରୀମାନେ ବୀମା ପାଇଁ ନାମାଙ୍କନ କରି ପାରିବେ । ୧୮-୫୪ବର୍ଷୀୟ ବ୍ୟକ୍ତିମାନେ ଏହି ବୀମାର ଲାଭ ଉଠାଇ ପାରିବେ ବୋଲି ଜଣା ପଡ଼ିଛି । ବୀମାର ଲାଭ ଉଠାଇବା ପାଇଁ ଅତିରିକ୍ତ କାଗଜପତ୍ର କାମ ବା ଡାକ୍ତରୀ ପରୀକ୍ଷଣର କୌଣସି ଆବଶ୍ୟକତା ପଡ଼ିବ ନାହିଁ । ନାମାଙ୍କନର ତୁରନ୍ତ ପରେ ବୀମାର ପ୍ରମାଣପତ୍ର ଆପଣଙ୍କୁ ଅନ୍ଲାଇନ୍ ମିଳିଯିବ । ବ୍ୟବହାରକାରୀ ଅନୁରୋଧ କଲେ ତାଙ୍କ ଠିକଣାରେ ବୀମାର ପ୍ରମାଣପତ୍ର ମଧ୍ୟ ପଠାଇ ଦିଆଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ଏହି ସୁବିଧା ଏବେ ତାମିଲନାଡୁ ଓ ପୁଡୁଚେରୀରେ ରହୁଥିବା ଲୋକଙ୍କୁ ମିଳିବା ସହ ପରେ ଏହାକୁ ସାରା ଦେଶରେ ଲାଗୁ କରାଯିବ ବୋଲି ଜଣା ପଡ଼ିଛି ।