ଟ୍ରାଫିକ୍ରେ ବିନା କାରଣରେ ହର୍ଣ୍ଣ ବଜାଇବାକୁ ରୋକିବା ପାଇଁ ଚିଠି ଲେଖି ଆନନ୍ଦ ମହିନ୍ଦ୍ରାଙ୍କୁ ଏଭଳି ପରାମର୍ଶ ଦେଲେ ୧୧ବର୍ଷୀୟ ବାଳିକା, ଖୁବ୍ ଶୀଘ୍ର ହୋଇପାରେ କାର୍ଯ୍ୟକାରୀ
ନୂଆଦିଲ୍ଲୀ : ଦେଶର ଜଣାଶୁଣା ବ୍ୟବସାୟୀ ତଥା ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ଅନେକ ସମୟରେ ନିଜର ଫଲୋଓ୍ଵର୍ସଙ୍କ ପ୍ରଶ୍ନର ଉତ୍ତର ରଖିଥାନ୍ତି । ଏ ମଧ୍ୟରେ ଜଣେ ୧୧ବର୍ଷୀୟ ବାଳିକା ତାଙ୍କୁ ଚିଠି ଲେଖି ଯେଉଁ ପରାମର୍ଶ ଦେଇଥିଲେ, ତାକୁ ସେୟାର କରିବାକୁ ନିଜକୁ ରୋକି ପାରି ନ ଥିଲେ ଆନନ୍ଦ ମହିନ୍ଦ୍ରା । ଟ୍ରାଫିକ୍ରେ ବିନା କାରଣରେ ହର୍ଣ୍ଣ ବଜାଉଥିବା ଲୋକମାନଙ୍କୁ ରୋକିବା ପାଇଁ ୧୧ବର୍ଷୀୟ ବାଳିକା କିଛି ଏଭଳି ପରାମର୍ଶ ଦେଇଥିଲେ, ଯାହାଦ୍ୱାରା ଆନନ୍ଦ ମହିନ୍ଦ୍ରା ଖୁବ୍ ପ୍ରଭାବିତ ହୋଇଥିବା ଟୁଇଟ୍ କରି ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
୧୧ବର୍ଷୀୟ ବାଳିକାର ଚିଠିର ଫଟୋ ସେୟାର କରି, କାମ କରି ଥକିଯିବା ପରେ ଯଦି ଆପଣ କିଛି ଏଭଳି ମେସେଜ ଦେଖିବାକୁ ପାଆନ୍ତି, ତେବେ ସବୁ ଥକାପଣ ପୂରା ହୋଇ ଯାଇଥାଏ । ମୁଁ ଜାଣିଛି କି ମୁଁ ଏଭଳି ଲୋକମାନଙ୍କ ପାଇଁ କାମ କରୁଛି । ଯିଏ ଏକ ଭଲ ଏବଂ ଶାନ୍ତିପୂର୍ଣ୍ଣ ଦୁନିଆରେ ରହିବାକୁ ପସନ୍ଦ କରନ୍ତି ବୋଲି ଲେଖିଥିଲେ ଆନନ୍ଦ ମହିନ୍ଦ୍ରା ।
At the end of a tiring day, when you see something like this in the mail..the weariness vanishes…I know I’m working for people like her, who want a better—and quieter world! ? pic.twitter.com/lXsGLcrqlf
— anand mahindra (@anandmahindra) April 3, 2019
ଆନନ୍ଦ ମହିନ୍ଦ୍ରା ସେୟାର କରାଯାଇଥିବା ଚିଠିରେ, ମୋ ନାଁ ମାହିକା ମିଶ୍ରା । ମୋତେ ୧୧ବର୍ଷ ଏବଂ ମୁଁ ଗ୍ରେଡ୍ ୭ରେ ପଢ଼ୁଛି । ମୋତେ କାର୍ ଏବଂ ବାଇକ୍ ଖୁବ୍ ପସନ୍ଦ ଏବଂ ମୁଁ ଲଙ୍ଗ୍ ଡ୍ରାଇଭ୍ରେ ଯିବା ପାଇଁ ମଧ୍ୟ ବସନ୍ଦ କରେ । କିନ୍ତୁ ରାସ୍ତାରେ କିଛି ଲୋକ କୌଣସି କାରଣ ନଥାଇ ହର୍ଣ୍ଣ ବଜାଇଥାନ୍ତି । ଏହାକୁ ଆଖି ଆଗରେ ରଖି ମୁଁ କିଛି କହିବାକୁ ଚାହୁଁଛି । ଯଦି ଆପଣ କାର୍ରେ ୧୦ମିନିଟ୍ରେ କେବଳ ୫ଥର ହର୍ଣ୍ଣ ବଜାଇବାର ସୁବିଧା ସହ ହର୍ଣ୍ଣଟି କେବଳ ୩ସେକେଣ୍ଡ ପର୍ଯ୍ୟନ୍ତ ବାଜୁଥିବାର ସୁବିଧା କରିବେ, ତେବେ ଅନେକଙ୍କୁ ଏହାର ଲାଭ ମିଳି ପାରିବ । ଏହା ଦ୍ୱାରା ଗାଡ଼ିରୁ ଉପୁଜୁଥିବା ଶବ୍ଦ କମ ହେବା ସହ ରାସ୍ତା ଶାନ୍ତ ରହିବ । ମୁଁ ଅନୁରୋଧ କରୁଛି କି, ମୋର ଏହି ପରାମର୍ଶକୁ ଆପଣ ଦୟାକରି ନିଜ କାର୍ରେ କାର୍ଯ୍ୟକାରୀ କରନ୍ତୁ । ଏପରି କଲେ ମୁଁ ଆପଣଙ୍କର ଚିର ଋଣି ରହିବି ବୋଲି ଚିଠିରେ ଲେଖାଯାଇଥିଲା ।