ନୂଆଦିଲ୍ଲୀ : ଭାରତର ଅଟୋମୋବାଇଲ ଉଦ୍ୟୋଗ ଏବେ ଏକ ବଡ଼ ଧରଣର ମାନ୍ଦାବସ୍ଥାର ସମ୍ମୁଖୀନ ହେଉଛି । ଏହା ଫଳରେ ଏବେ ସୁଦ୍ଧା ଲକ୍ଷ ଲକ୍ଷ ଲୋକ ଛଟେଇ ହୋଇସାରିଲେଣି, ଆଗକୁ ମଧ୍ୟ ଆହୁରି ଛଟେଇ ହେବାର ସମ୍ଭାବନା ଦେଖାଦେଇଛି । ଜୁଲାଇ ମାସରେ ଭାରତରେ କାର ବିକ୍ରି ପରିମାଣ ୩୦.୯୮ ପ୍ରତିଶତ ହ୍ରାସ ପାଇ ୨୦୦,୭୯୦ ରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ସେହିପରି ବାଣିଜ୍ୟିକ ଯାନ ବିକ୍ରି ୨୫.୭୧ ପ୍ରତିଶତ ହ୍ରାସ ପାଇ ୫୬,୮୬୬ ରେ ପହଞ୍ଚିଛି ବୋଲି ଭାରତୀୟ ଅଟୋମୋବାଇଲ ସଂଘ (ସିଆମ) ପକ୍ଷରୁ କୁହାଯାଇଛି । ସେହିପରି ଏପ୍ରିଲ-ଜୁଲାଇ ୪ ମାସରେ ଯାତ୍ରୀବାହୀ ଯାନ ବିକ୍ରି ୨୧.୫୬ ପ୍ରତିଶତ ହ୍ରାସ ପାଇଛି । ସେହିପରି ଏପ୍ରିଲ-ଜୁଲାଇରେ ବାଣିଜ୍ୟିକ ଯାନ ବିକ୍ରି ୧୩.୫୭ ପ୍ରତିଶତ ହ୍ରାସ ପାଇଛି ବୋଲି ସିଆମ ପକ୍ଷରୁ ପ୍ରକାଶିତ ମାସିକ ରିପୋର୍ଟରେ କୁହାଯାଇଛି । କ୍ରମାଗତ ଭାବେ ବିକ୍ରି ହ୍ରାସ ପାଉଥିବାରୁ ଅଟୋମୋବାଇଲ ଉଦ୍ୟୋଗକୁ ଜିଏସଟି ରିହାତି ପ୍ରଦାନ ପାଇଁ ସଂଘ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ନିକଟରେ ଅନୁରୋଧ କରିଛି ।