୫୦ରୁ ଅଧିକ ମଧ୍ୟସ୍ଥରୀୟ ବ୍ୟାଙ୍କ ପରିଚାଳକଙ୍କୁ ଚାକିରିରୁ ବାହାର କଲା ଆକ୍ସିସ୍ ବ୍ୟାଙ୍କ
ନୂଆଦିଲ୍ଲୀ : ଆକ୍ସିସ ବ୍ୟାଙ୍କ ନିଜର ୫୦ଜଣ ମଧ୍ୟସ୍ଥରୀୟ ବ୍ୟାଙ୍କ ପରିଚାଳକଙ୍କୁ ଚାକିରିରୁ ବହିଷ୍କାର କରି ଦେଇଥିବା ଜଣା ପଡ଼ିଛି । ବ୍ୟାଙ୍କର ନୂଆ ସିିଇଓ ଭାବେ ନିଯୁକ୍ତି ପାଇଥିବା ଅମିତାଭ ଚୌଧୁରୀ ବ୍ୟବସାୟର ନୂତନୀକାରଣ କରିବା ପାଇଁ ଏଭଳି ନିଷ୍ପତ୍ତି ନେଇଛନ୍ତି । ଯାହା ପାଇଁ ସେ ଦରକାର ନଥିବା ବା ପୁରୁଣା କର୍ମଚାରୀଙ୍କୁ ଚାକିରିରୁ ବାହାର କରିବା ଆରମ୍ଭ କରିଛନ୍ତି । ପ୍ରକୃତରେ କେତେ ଜଣ ମଧ୍ୟସ୍ଥରୀୟ ବ୍ୟାଙ୍କ ପରିଚାଳକଙ୍କୁ ବାହାର କରାଯାଇଛି, ତାହା ସ୍ପଷ୍ଟ ହୋଇ ନଥିବା ବେଳେ ୫୦ରୁ ଅଧିକ ବୋଲି ଆଶା କରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଜାନୁଆରୀ ୧, ୨୦୧୯ରେ ଆକ୍ସିସ ବ୍ୟାଙ୍କର ସିଇଓ ହେବା ପରେ ବ୍ୟାଙ୍କ ପାଇଁ ନୂଆ ରଣନୀତି ତିଆରି କରିଥିଲେ ଅମିତାଭ ଚୌଧୁରୀ । କମ୍ କ୍ଷତି ହେବା ସହ ଅଧିକ ଲାଭ ହେବା ଭଳି ରଣନୀତି ତିଆରି କରିବା ସହ ଏ ନେଇ ନୂଆ କର୍ମଚାରୀଙ୍କୁ ନିଯୁକ୍ତି ଦେବା ଆରମ୍ଭ କରିଛନ୍ତି । ବ୍ୟାଙ୍କରେ ପୂର୍ବରୁ କରାଯାଉଥିବା କାମର ଶୈଳୀକୁ ଅମିତାଭ ଚୌଧୁରୀ ବଦଳାଇବା ଆରମ୍ଭ କରିଥିବା ବେଳେ ତାଙ୍କର ଏଭଳି ନିଷ୍ପତ୍ତିରେ ବ୍ୟାଙ୍କର କର୍ମଚାରୀ ଖୁସି ନଥିବା ଜଣା ପଡ଼ିଛି । ଅମିତାଭ ଚୌଧୁରୀଙ୍କ ନୂଆ ରଣନୀତି ପାଇଁ ବର୍ଷ ବର୍ଷ ପୁରୁଣା କର୍ମଚାରୀମାନଙ୍କୁ ଅନ୍ୟ ଆଡ଼େ ଚାକିରି ଖୋଜି ନିଅ ବୋଲି କୁହି ଚାକିରିରୁ ବାହାର କରିବା ଆରମ୍ଭ କରିଛନ୍ତି ।