ଲାୟନ ଏୟାର ବିମାନ ଦୁର୍ଘଟଣାରେ ମୃତ୍ୟୁବରଣ କରିଥିବା ପାଇଲଟ୍ଙ୍କ ପତ୍ନୀଙ୍କ ଅଭିଯୋଗ : ଜାଣିଶୁଣି ଯାତ୍ରୀଙ୍କ ଜୀବନ ସହ ଖେଳୁଛି ବୋଇଙ୍ଗ୍
ନୂଆଦିଲ୍ଲୀ : କିଛି ମାସ ହେବ ଲାଗାତାର ଭାବରେ ବୋଇଙ୍ଗ ବିମାନ ଦୁର୍ଘଟଣାଗ୍ରସ୍ତ ହେବା ପରେ କମ୍ପାନୀଙ୍କୁ ନେଇ ବିବାଦ ଦେଖା ଦେଇଛି । ଏହାକୁ ବନ୍ଦ କରିବା ପାଇଁ ଅନେକ ଲୋକ ଅଭିଯୋଗ କରିଥିବା ବେଳେ କେହି ଏଥିପ୍ରତି ଧ୍ୟାନ ଦେଉ ନାହାନ୍ତି । ଏବେ ଏଭଳି ଅଭିଯୋଗ ଆଣିଛନ୍ତି ପାଇଲଟ୍ ଭବ୍ୟ ସୁନେଜାଙ୍କ ପତ୍ନୀ ଗରିମା ସେଠି । ଅକ୍ଟୋବର ୨୯ରେ ଲାୟନ ଏୟାର ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଯେଉଁ ଦୁର୍ଘଟଣାରେ ୧୮୯ଜଣଙ୍କର ମୃତ୍ୟୁ ହୋଇଥିବା ବେଳେ ପାଇଲଟ୍ ଭବ୍ୟ ସୁନେଜାଙ୍କର ମଧ୍ୟ ମୃତ୍ୟୁ ହୋଇଥିଲା । ଏହା ପରେ ପରେ ଗରିମା ଏକ ସାକ୍ଷାତକାରରେ ବୋଇଙ୍ଗ୍ ନିଜ ଯାତ୍ରୀମାନଙ୍କ ଜୀବନ ସହ ଖେଳୁଥିବା କହିଥିଲେ । ଘଟଣାର ୩ ମାସ ପରେ ସେ ଇଣ୍ଡୋନେସିଆନ୍ ବିମାନ ସଂସ୍ଥାର ୩ଜଣ ବରିଷ୍ଠ ଅଧିକାରୀଙ୍କୁ ଦେଖା କରି ବୋଇଙ୍ଗ୍ ୭୩୭ ମାକ୍ସ ଜେଟ୍ର ଉଡ଼ାଣ ବନ୍ଦ କରିବା ପାଇଁ ଅନୁରୋଧ କରିଥିଲେ । କିନ୍ତୁ ଗରିମାଙ୍କ ଅନୁରୋଧକୁ ଅଣଦେଖା କରାଯିବା ସହ ଉଡ଼ାଣ ବନ୍ଦ କରିବା ପାଇଁ ଦୁର୍ଘଟଣା ସହ ଜଡ଼ିତ ଅଧିକ ସୂଚନା ଦରକାର ବୋଲି କୁହାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ତାଙ୍କର ଅନୁରୋଧ ରଖା ଯାଇଥିଲେ, ଇଥିଓପିଆରେ ହୋଇଥିବା ବୋଇଙ୍ଗ୍ ମାକ୍ସ ଜେଟ୍ର ଦୁର୍ଘଟଣାକୁ ରୋକା ଯାଇ ପାରିଥାନ୍ତା ବୋଲି ସେ କହିଛନ୍ତି । ଏତେ ଦୁର୍ଘଟଣା ହେବା ପରେ ମଧ୍ୟ ୭୩୭ ମାକ୍ସ ଜେଟ୍ ଯାତ୍ରୀମାନଙ୍କ ପାଇଁ ସୁରକ୍ଷିତ ବୋଲି କମ୍ପାନୀ ଦାବି କରି ଆସୁଛି । କିନ୍ତୁ କାମରେ ଦେଖାଇ ପାରୁ ନାହିଁ ବୋଲି କହିଛନ୍ତି ଗରିମା ।