ଭାରତରେ ହୋଣ୍ଡା ଆଫ୍ରିକା ଟ୍ୱିନର ବୁକିଙ୍ଗ୍ ଆରମ୍ଭ, ଦର ୧୩.୫ ଲକ୍ଷ ଟଙ୍କା
ଭୁବନେଶ୍ୱର : ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ପକ୍ଷରୁ ୨୦୧୯ ଆଫ୍ରିକା ଟ୍ୱିନର ବୁକିଙ୍ଗ ଆରମ୍ଭ କରାଯାଇଛି । ସବୁ ପ୍ରକାର ସଡ଼କରେ ଦୌଡ଼ିବାକୁ ପ୍ରସ୍ତୁତ ଥିବା ଆଫ୍ରିକା ଟ୍ୱିନ୍ ଗ୍ଲିଟ ୱେଭ୍ ବ୍ଲୁ ମେଟାଲିକ୍ ରଙ୍ଗ ସହିତ ଗୋଲ୍ଡେନ୍ ହାଣ୍ଡ୍ଲେ ବାର୍ ଏବଂ ହ୍ୱିଲ୍ ରିମ୍ ସହିତ ଆସିଛି । କେବଳ ପ୍ରଥମ ୫୦ ଜଣ ଗ୍ରାହକଙ୍କ ପାଇଁ ବୁକିଙ୍ଗ ଆହ୍ୱାନ କରାଯାଇଛି । ୨୦୧୯ ଆଫ୍ରିକା ଟ୍ୱିନର ଏକ୍ସ ସୋ’ରୁମ୍ ଦର ୧୩.୫ ଲକ୍ଷ ଟଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ଆଫ୍ରିକା ଟ୍ୱିନରେ ଦ୍ୱିତୀୟ ପିଢ଼ିର ଡୁଆଲ୍ କ୍ଲଚ୍ ଟ୍ରାନ୍ସମିସନ୍ ବ୍ୟବସ୍ଥା ରହିଛି ଯେଉଁଥିରେ ବିଭିନ୍ନ ପ୍ରକାର ରୋମାଞ୍ଚ ପାଇଁ ଡି ମୋଡ୍ ଏବଂ ଏସ୍ ମୋଡ୍ ରହିଛି । ଏଥିରେ ଥିବା ଇନକ୍ଲାଇନ୍ ଡିଟେକ୍ସନ ପ୍ରଯୁକ୍ତି ଗାଡ଼ିକୁ ଯେକୌଣସି ପ୍ରକାର ଖରାପ ରାସ୍ତାରେ ସ୍ଥିର ରଖିପାରିବ । ଏଥିରେ ୯୯୯.୧୧ ସିସିର ଶକ୍ତିଶାଳୀ ଇଂଜିନ ରହିଛି ଯାହା ୮୭.୭ ବିଏଚପିଅ୭୫୦୦ ଆରପିଏମର ଶକ୍ତି ଏବଂ ୯୩.୧ ଏନ୍ଏମଅ୍ ୬୦୦୦ଆରପିଏମ ଟର୍କ ଉତ୍ପନ୍ନ କରୁଛି । ଏଥିରେ ହୋଣ୍ଡା ସିଲେକ୍ଟେବଲ ଟର୍କ କଣ୍ଟ୍ରୋଲ୍ ବ୍ୟବସ୍ଥା ରହିଛି ଯେଉଁଥିରେ ବିଭିନ୍ନ ପ୍ରକାର ପରିସ୍ଥିତି ପାଇଁ ସାତ ପ୍ରକାରର ସେଟିଂ ରହିଛି । ଏଥିରେ ଆଣ୍ଟି-ଲକ୍ ବ୍ରେକିଙ୍ଗ ବ୍ୟବସ୍ଥା ମଧ୍ୟ ରହିଛି । ଓଡ଼ିଶାର ଗ୍ରାହକମାନେ ଭୁବନେଶ୍ୱରରେ ଥିବା ପିଜିଏଲ୍ ହୋଣ୍ଡାରେ ଆଫ୍ରିକା ଟ୍ୱିନର ବୁକିଙ୍ଗ କରିପାରିବେ ।