ଏକ ମାସ ପର୍ଯ୍ୟନ୍ତ ନିଜ ଗ୍ରାହକମାନଙ୍କୁ ମାଗଣା ସେବା ଦେବ ବିଏସ୍ଏନ୍ଏଲ୍, ଲଞ୍ଚ ହେଲା ଆପ୍
ନୂଆଦିଲ୍ଲୀ : ସରକାରୀ ଟେଲିକମ କମ୍ପାନୀ ଭାରତୀୟ ସଞ୍ଚାର ନିଗମ ଲିମିଟେଡ୍(ବିଏସ୍ଏନ୍ଏଲ୍) ଉଇଙ୍ଗ୍ସ ଇଣ୍ଟରନେଟ୍ ଟେଲିଫୋନି ସର୍ଭିସ୍ର ଆପ୍ ଲଞ୍ଚ କରିଛି । ଆପ୍ ଲଞ୍ଚ କରିବା ସହ ବିଏସ୍ଏନ୍ଏଲ୍ ନିଜ ନୂଆ ଗ୍ରାହକମାନଙ୍କୁ ଗୋଟେ ମାସ ପର୍ଯ୍ୟନ୍ତ ମାଗଣା ସେବା ଦେବ ବୋଲି ଜଣାପଡ଼ିଛି । ଯେଉଁମାନେ ବର୍ଷକ ପାଇଁ ରିଚାର୍ଜ କରିବେ କେବଳ ସେହି ମାନଙ୍କୁ ହିଁ ମାସକ ପାଇଁ ମାଗଣା ସେବା ମିଳିବ ବୋଲି ବିଏସ୍ଏନ୍ଏଲ୍ ତରଫରୁ ଘୋଷଣା କରାଯାଇଛି । ରିଚାର୍ଜ କରିବା ପାଇଁ ଗ୍ରାହକମାନଙ୍କୁ ୧୦୯୯ଟଙ୍କା ଦେବାକୁ ହେବ । ଏହି ଟଙ୍କାରେ ଜିଏସ୍ଟି ଅଲଗା ଭାବରେ ଯୋଡ଼ାଯିବ ।
Sambad is now on WhatsApp
Join and get latest news updates delivered to you via WhatsApp
ଦେଶର ଯେଉଁ ଭାଗରେ ଲୋକମାନେ ଖରାପ ନେଟ୍ଓ୍ଵାର୍କ ପାଇଁ ଠିକ୍ ଭାବରେ କଥା ହୋଇ ପାରୁ ନାହାନ୍ତି,ସେମାନେ ଉଇଙ୍ଗ୍ସ ସାହାଯ୍ୟରେ ଖୁବ୍ ସହଜରେ କଲ୍ କରି ପାରିବେ । ଏହା ଏକ ଆଇପି ବା ଇଣ୍ଟରନେଟ୍ ଚାଳିତ ସେବା ବୋଲି ଜଣା ପଡ଼ିଛି । ଏହାର ବ୍ୟବହାର ପାଇଁ ଗ୍ରାହକଙ୍କୁ ବିଏସ୍ଏନ୍ଏଲ୍ର ଟେଲିଫୋନି ଆପ୍ ଇନ୍ଷ୍ଟଲ କରିବାକୁ ହେବ । ଏହି ଆପ୍ ଦ୍ୱାରା ଗ୍ରାହକମାନେ ବିନା ସିମ୍ରେ କଲ୍ କରିବାର ସୁବିଧା ପାଇ ପାରିବେ ବୋଲି ଜଣା ପଡ଼ିଛି ।