ଜୋମାଟୋକୁ ଝଟକା: ଏଭଳି ଭୁଲ ପାଇଁ ଦେବ ୧ ଲକ୍ଷ ଟଙ୍କାର ଜରିମାନା
ଚେନ୍ନାଇ : ପୂର୍ବରୁ ବିଭିନ୍ନ କାରଣ ପାଇଁ ବିବାଦରେ ଛନ୍ଦି ହୋଇଛି ଜୋମାଟୋ । ଖାଦ୍ୟର ମାନ ଠିକ୍ ନ ହେବା କଥା ହେଉ ବା ଡେଲିଭରୀ ବଏଙ୍କ ଅସଦାଚାରଣ କଥା ହେଉ, ଅନେକ ସମୟରେ ଜୋମାଟୋକୁ ଅପମାନର ସାମ୍ନା କରିବାକୁ ପଡ଼ିଛି । ଏବେ ଚେନ୍ନାଇସ୍ଥିତ ଜୋମାଟୋ ଅଫିସକୁ ୧ଲକ୍ଷ ଟଙ୍କା ଜରିମାନା ଦେବାକୁ ପଡ଼ିବ ବୋଲି ଜଣା ପଡ଼ିଛି । ଖାଦ୍ୟ ତିଆରି ହେଉଥିବା ସ୍ଥାନରେ ଏବଂ ଅଫିସର ଛାତ ଉପର ଅପରିଷ୍କାର କରିଥିବାରୁ ଗ୍ରେଟର ଚେନ୍ନାଇ କର୍ପୋରେସନର ପରିମଳ ବିଭାଗ ଏହି ଜରିମାନା ଲଗାଇଥିବା ନେଇ ସୂଚନା ମିଳିଛି । ହଠାତ୍ ଜୋମାଟୋ ଅଫିସରେ ପରିମଳ ବିଭାଗର କର୍ମଚାରୀ ଯାଇ ପହଞ୍ଚିଥିବା ବେଳେ ଅଫିସର ଛାତ ଉପରେ ଫୁଡ୍ ବ୍ୟାଗ୍ ପଡ଼ିଥିବା ସହ ସେଥିରେ ବର୍ଷା ପାଣି ଜମି ରହିଥିବାର ଦେଖିଥିଲେ । ଯାହାଦ୍ୱାରା ଡେଙ୍ଗୁ ମଶା ଜନ୍ମ ହେବାର ଆଶଙ୍କା ଥିବା ଦେଖି କର୍ମଚାରୀ ଜରିମାନା ସହ ତୁରନ୍ତ ସଫା କରିବାର ଆଦେଶ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଚେନ୍ନାଇର ଚେଟପେଟରେ ଥିବା ଜୋମାଟୋ ଅଫିସରେ କର୍ମଚାରୀମାନେ ସଫେଇ ପ୍ରତି ଅଣଦେଖା କରିବା ସହ ମଇଳା ଜମା କରି ରଖିଥିଲେ । ରାଜ୍ୟ ପରିମଳ ବିଭାଗ ଏବେ ଡେଙ୍ଗୁ ମଶାର ଦମନ ପାଇଁ ଅଭିଯାନ ଆରମ୍ଭ କରିଥିବା ବେଳେ ଜୋମାଟୋ ଏଭଳି ଅପରିଷ୍କାର କରି ରଖିଥିବା ଦେଖି ୧ଲକ୍ଷ ଟଙ୍କା ଜରିମାନା ଲଗାଇଛି ପରିମଳ ବିଭାଗ । ଜରିମାନା ଲାଗିବା ଖବରକୁ ସ୍ପଷ୍ଟ କରିବା ସହ ଅକ୍ଟୋବର ୨୩ସୁଦ୍ଧା ଜୋମାଟୋ ଜରିମାନା ରାଶି ଭରିଦେବ ବୋଲି କହିଛି ।