ଡ୍ରିମ୍ସ ନର୍ସିଂ ଛାତ୍ରଛାତ୍ରୀ ଜିତିଲେ ସ୍ୱର୍ଣ୍ଣ ଓ ରୋପ୍ୟ ପଦକ
କଟକ,: ଓଡିଶା ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗ ପକ୍ଷରୁ ଆୟୋଜିତ ‘ଓଡିଶା ସ୍କିଲ୍ସ-୨୦୧୮’ ରାଜ୍ୟସ୍ତରୀୟ ପ୍ରତିଯୋଗିତାରେ ଡ୍ରିମ୍ସ ସ୍କୁଲ ଆଣ୍ଡ କଲେଜ ଅଫ ନର୍ସିଂର ତୃତୀୟ ବର୍ଷ ଛାତ୍ର ସୁଧାଂଶୁ ଶେଖର ସାହୁ ସ୍ୱର୍ଣ୍ଣ ପଦକ ଜିତିଥିବାବେଳେ ଦ୍ୱିତୀୟ ବର୍ଷ ଛାତ୍ରୀ ନିବେଦିତା ସ୍ୱାଇଁ ରୋପ୍ୟ ପଦକ ବିଜୟିନୀ ହୋଇଛନ୍ତି। ପ୍ରତିଯୋଗିତାରେ ପକ୍ଷାଘାତ ରୋଗୀର ସେବାଯତ୍ନ ସମ୍ବନ୍ଧୀୟ ଦକ୍ଷତା ପ୍ରତିଯୋଗିତା ମୂଲ୍ୟାୟନରେ ଉଭୟ ସର୍ବାଧିକ ପଏଣ୍ଟ ହାସଲ କରିଥିଲେ। ଏହି ଅବସରରେ ‘ଡ୍ରିମ୍ସ’ର ପ୍ରତିଷ୍ଠାତା ଅଧ୍ୟକ୍ଷ ପ୍ରମୋଦ ଚନ୍ଦ୍ର ରଥ ଶେଖର ଓ ନିବେଦିତାଙ୍କୁ ଅଭିନନ୍ଦନ ଜଣାଇଥିଲେ। ପ୍ରଶାସନିକ ନିର୍ଦ୍ଦେଶକ ବଳରାମ କର, ନର୍ସିଂ ଅଧ୍ୟକ୍ଷା ଅନସୂୟା ପଟ୍ଟନାୟକ ଏବଂ ଲୋକ ସଂପର୍କ ଅଧିକାରୀ ନିରାକାର ସହୁ ପ୍ରମୁଖ ଉପସ୍ଥିତ ଥିଲେ।