‘ମୋବାଇଲ ଏୟାରବ୍ୟାଗ’ର କମାଲ! ହାତରୁ ଖସିପଡିଲେ ସ୍ମାର୍ଟଫୋନ ଭାଙ୍ଗିବ ନାହିଁ

ଜର୍ମାନ ଇଂଜିନିୟରିଂ ଛାତ୍ରଙ୍କ ଉଦ୍ଭାବନ

0 1,144

ଭୁବନେଶ୍ୱର : ଆଜିକାଲି ସ୍ମାର୍ଟଫୋନ ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଗ ପାଲଟି ଯାଇଛି । ଲୋକମାନେ ଦିନର ଏକ ବଡ଼ ସମୟ ସ୍ମାର୍ଟଫୋନ ସହିତ ବିତାଉଛନ୍ତି । ପୁଣି ସ୍ମାର୍ଟଫୋନଗୁଡ଼ିକରେ ବ୍ୟକ୍ତିଗତ ଓ ପେଷାଦାର ଜୀବନର ଅନେକ ତଥ୍ୟ ସଂରକ୍ଷିତ ହୋଇ ରହୁଛି । ଏଣୁ ଫୋନଗୁଡ଼ିକ ହାତରୁ ପଡିଭାଙ୍ଗିଗଲେ ଦୁଃଖ ତ ଲାଗେ ନିଶ୍ଚୟ, ତାହା ସହିତ ଅନେକ ହଇରାଣ ହେବାକୁ ପଡିଥାଏ । ଆମର ଏହି ନିତିଦିନିଆ ସମସ୍ୟାର ସମାଧାନ ବାହାର କରିଛନ୍ତି ଜର୍ମାନିର ଜଣେ ଇଂଜିନିୟରିଂ ଛାତ୍ର । ସେ ଛାତ୍ରଙ୍କ ନାଁ ହେଉଛି ଫିଲିପ ଫ୍ରେଞ୍ଜେଲ ।

Panda Mobile only

ଫିଲିପ ଥରେ ନିଜ ଜ୍ୟାକେଟରେ ନିଜର ସ୍ମାର୍ଟଫୋନକୁ ରଖିଥିଲେ । କୌଣସି କାରଣରୁ ଜ୍ୟାକେଟ ଟି ଖୋଲିଦେବାରୁ ସେଥିରୁ ସ୍ମାର୍ଟଫୋନଟି ତଳେ ପଡି ଭାଙ୍ଗିଯାଇଥିଲା । ଏହି ଘଟଣାରୁ ଶିକ୍ଷା ନେଇ ଏହାର ଏକ ସମାଧାନ ବାହାର କରିବାକୁ ଚିନ୍ତା କଲେ । ବହୁ ଚିନ୍ତା କରିବା ପରେ ସେ ଏକ ମୋବାଇଲ ଏୟାରବ୍ୟାଗ ବ୍ୟବସ୍ଥା ଥିବା ଏକ ମୋବାଇଲ କେସ୍‌ ବାହାର କଲେ । ଏହି କେସର ବିଶେଷତା ହେଉଛି ଯେ ହାତରୁ ସ୍ମାର୍ଟଫୋନଟି ଖସିପଡିଲେ ସେଥିରେ ଥିବା ସ୍ପ୍ରିଙ୍ଗ ପରି ୪ଟି ସାମଗ୍ରୀ ବାହାରି ଆସି ସ୍ମାର୍ଟଫୋନକୁ ସୁରକ୍ଷା ଦିଅନ୍ତି । ଫଳରେ ସ୍ମାର୍ଟଫୋନଟି ଭାଙ୍ଗିନଥାଏ । ଏହି ଜ୍ଞାନକୌଶଳ ପାଇଁ ପ୍ୟାଟେଣ୍ଟ ଆବେଦନ କରିଛନ୍ତି ଫିଲିପ । ପ୍ୟାଟେଣ୍ଟ ମିଳିବା ପରେ ଏହାର ବ୍ୟବସାୟିକ ଉତ୍ପାଦନ ଆରମ୍ଭ ହେବ ।

ସମ୍ବନ୍ଧିତ ଖବର

Leave A Reply

Your email address will not be published.