ଗୋଏୟାରର ଦୀପାବଳି ଅଫର୍: ୧୨୯୬ ଟଙ୍କାରେ ଭୁବନେଶ୍ୱରରୁ ବିଦେଶକୁ ବିମାନ ସେବା !
ମୁମ୍ବାଇ: ଦୀପାବଳିକୁ ଆଖି ଆଗରେ ରଖି ଗୋଏୟାର ପକ୍ଷରୁ ବମ୍ପର ଅଫର ଘୋଷଣା କରାଯାଇଛି | ଘୋଷଣା ହୋଇଥିବା ନୂଆ ପ୍ଲାନ ମୁତାବକ ଆପଣ ମାତ୍ର ୧୨୯୬ ଟଙ୍କାରେ ଆପଣ ଦେଶ ଭିତରେ ଯେ କୌଣସି ସ୍ଥାନକୁ ଯାଇପାରିବେ | ସେହିଭଳି ଆଉ କିଛି ଅଧିକ ଟଙ୍କା ଦେଲେ ଆପଣ ବିଦେଶକୁ ମଧ୍ୟ ଯାତ୍ରା କରିପାରିବେ | ଗୋ ଏୟାର ପକ୍ଷରୁ କୁହାଯାଇଛି ଯେ ଦୀପାବଳି ଅବସରରେ ୨୪ ଘଣ୍ଟିଆ ବୁକିଂ ଅଫର ଘୋଷଣା କରାଯାଇଛି | ଏହି ଅଫରରେ ଟିକେଟର ଦାମ ୧୨୯୬ ଟଙ୍କାରୁ ଆରମ୍ଭ ହେଉଛି। ବିଭିନ୍ନ ଗନ୍ତବ୍ୟକୁ ଦୂରତା ଅନୁସାରେ ଟିକେଟ ଦର ରିହାତି ପରେ ଭିନ୍ନ ଭିନ୍ନ ରହିବ।
Sambad is now on WhatsApp
Join and get latest news updates delivered to you via WhatsApp
ଏହି ପ୍ଲାନ ମୁତାବକ ଇଚ୍ଛୁକ ଗ୍ରାହକ ଅକ୍ଟୋବର ୧୬ ତାରିଖରୁ ଅକ୍ଟୋବର ୧୭ ତାରିଖ ଦିନ ୩ଟା ସୁଦ୍ଧା ହିଁ ବୁକିଂ କରିପାରିବେ | ବୁକିଂ କରିଥିବା ଯାତ୍ରୀମାନେ ଅକ୍ଟୋବର ୨୦ ତାରିଖରୁ ଅକ୍ଟୋବର ୨୩ ତାରିଖ ମଧ୍ୟରେ ହିଁ ଯାତ୍ରା କରିପାରିବେ | ଏଥିପାଇଁ କିଛି ସର୍ତ୍ତ ମଧ୍ୟ ଜାରି କରିଛି ଗୋ ଏୟାର | ଅଫିସିଆଲ ୱେବସାଇଟ ମାଧ୍ୟମରେ କେବଳ ଜଣେ ବ୍ୟକ୍ତି ହିଁ ୩୩ଟି ସ୍ଥାନ ମଧ୍ୟରୁ ଯେ କୌଣସି ଗୋଟିଏ ସ୍ଥାନକୁ ବୁକିଂ କରିପାରିବେ |
ଯଦି ଆକର୍ଷଣୀୟ ଅଫର ଦେଖି ଆପଣ ସପରିବାର ବୁକିଂ କରିବାକୁ ଚାହିଁବେ ତେବେ ବୁକିଂ କରିପାରିବେ ନାହିଁ | ଗୋ ଏୟାର ପକ୍ଷରୁ କୁହାଯାଇଛି ଯେ ୨୫ଟି ଘରୋଇ ଗନ୍ତବ୍ୟ ସହ ୮ଟି ଅନ୍ତର୍ଜାତୀୟ ଗନ୍ତବ୍ୟକୁ ଆପଣ ଏହି ଶସ୍ତା ଦରରେ ଯାତ୍ରା କରିପାରିବେ | ଅର୍ଥାତ ଭୁବନେଶ୍ୱରରୁ ମୁମ୍ବାଇ ସେବା ଯୋଗାଉଥିବା ଗୋ ଏୟାରରେ ମଧ୍ୟ ଆପଣ ଏହି ଶସ୍ତା ଯାତ୍ରାର ଫାଇଦା ଉଠାଇପାରିବେ |