ସାନିଟାରି ନାପକିନ, ଜୋତା,ରାକ୍ଷୀ ଉପରୁ ଜିଏସଟି ଛାଡ, ଶସ୍ତା ହେବ ଓ୍ଵାସିଂମେସିନ, ଆଇରନ

0 611

ନୂଆଦିଲ୍ଲୀ: ସାନିଟାରି ନାପକିନ ଉପରୁ ଜିଏସଟି ଛାଡ କରାଯିବ । ଆଜି ବସିଥିବା ଜିଏସଟି କାଉନସିଲ ବୈଠକରେ ଏହି ନିଷ୍ପତ୍ତି ନିଆଯାଇଛି ବୋଲି ଦିଲ୍ଲୀ ଅର୍ଥମନ୍ତ୍ରୀ ମନିଶ ସିସୋଦିଆ ସୂଚନା ଦେଇଛନ୍ତି । ପୂର୍ବରୁ ସାନିଟାରୀ ନାପକିନ ଉପରେ ୧୨ ପ୍ରତିଶତ ଜିଏସଟି ଆଦାୟ କରାଯାଉଥିଲା । କିନ୍ତୁ ଏହାକୁ ବିଭିନ୍ନ ମହଲରୁ ତୀବ୍ର ସମାଲୋଚନା କରାଯାଇଥିଲା । ଦେଶରେ ମହିଳାମାନଙ୍କ ମଧ୍ୟରେ ସଚେତନତା ସୃଷ୍ଟି ପାଇଁ ପ୍ୟାଡମ୍ୟାନ ପରି ବଲିଉଡ ଫିଲ୍ମ ଆସିଥିଲା । କିନ୍ତୁ ସରକାର ଏହାକୁ ଶସ୍ତା କରିବା ବଦଳରେ ୧୨ ପ୍ରତିଶତ ଜିଏସଟି ଲାଗୁ କରିବା କୁ ବିଭିନ୍ନ ମହଲରୁ ବିରୋଧ କରାଯାଉଥିଲା । ଅନ୍ୟପକ୍ଷରେ ଜିଏସଟି ରିଟର୍ଣ୍ଣ ଫାଇଲ ପ୍ରକ୍ରିୟାକୁ କିଛିଟା ସରଳ କରାଯାଇଥିବା ସୂଚନା ମିଳିଛି ।

ଏହାଛଡ଼ା ହାତବୁଣା ଶାଢୀ, ସାରଉତ୍ପାଦନରେ ବ୍ୟବହାର ହେଉଥିବା ଫସଫୋରିକ ଏସିଡ, ତେଲ କମ୍ପାନିଙ୍କୁ ବିକ୍ରି ହେଉଥିବା ଇଥାନଲ ଉପରେ ଜିଏସଟି ହାର ୫ ପ୍ରତିଶତକୁ ହ୍ରାସ ପାଇଛି । ସେହିପରି ୧୦୦୦ ଟଙ୍କା ପର୍ଯ୍ୟନ୍ତ ଜୋତା ଉପରେ ୫ ପ୍ରତିଶତ ଜିଏସଟି ଲାଗୁ ହେବ । ସେହିପରି, କାଠ,ମାର୍ବଲ ଓ ପଥର ମୂର୍ତ୍ତି, ରାକ୍ଷି ଉପରୁ ଜିଏସଟି ଛାଡ କରାଯାଇଛି । ଅନ୍ୟପକ୍ଷରେ ଇଲେକ୍ଟ୍ରିକ ଆଇରନ, ଭାକ୍ୟୁମ କ୍ଲିନର, ଇମର୍ସନ ଆଇରନ,ହେୟାର ଡ୍ରାୟର ଉପରୁ ଜିଏସଟି ୧୮ ପ୍ରତିଶତକୁ ହ୍ରାସ ପାଇଛି । ସେହିପରି ଓ୍ଵାସିଂ ମେସିନ ଉପରୁ ଜିଏସଟି ୨୮ ପ୍ରତିଶତରୁ ୧୮ ପ୍ରତିଶତକୁ ହ୍ରାସ କରାଯାଇଛି ।

ସମ୍ବନ୍ଧିତ ଖବର

Leave A Reply

Your email address will not be published.