ନୂଆଦିଲ୍ଲୀ: ଘୋର ଆର୍ଥିକ ସଙ୍କଟ ଦେଇ ଗତି କରୁଥିବା ସରକାରୀ ଦୂରସଂଚାର କଂପାନି ବିଏସ୍ଏନ୍ଏଲ୍କୁ ଆମେ ବଞ୍ଚାଇ ରଖିବାକୁ ଚାହୁଛୁ ବୋଲି କେନ୍ଦ୍ର ଦୂରସଂଚାର ମନ୍ତ୍ରୀ ରବି ଶଙ୍କର ପ୍ରସାଦ କହିଛନ୍ତି। ଦୂରସଂଚାର ବଜାରରେ ତୀବ୍ର ପ୍ରତିଦ୍ବନ୍ଦ୍ବିତା ଲାଗି ରହିବା ଓ କର୍ମଚାରୀଙ୍କ ଦେୟ ବାବଦରେ ବିପୁଳ ପରିମାଣର ଟଙ୍କା ଖର୍ଚ ହେଉଥିବାରୁ ବିଏସ୍ଏନ୍ଏଲ୍ର ଅବସ୍ଥା ଏଭଳି ହୋଇଛି ବୋଲି ସେ କହିଛନ୍ତି। କଂପାନି ପାଖରେ ୪ଜି ସେବା ନଥିବା ମଧ୍ୟ ଏହାର ଖରାପ ସ୍ଥିତିର ଅନ୍ୟ ଏକ କାରଣ ବୋଲି ସେ କହିଛନ୍ତି।