ମୋବାଇଲ କଲ ମୂଲ୍ୟ ବଢ଼ିଲେ ବି ଏଭଳି ଆପଣ ଶସ୍ତାରେ ପାଇପାରିବେ ସେବା
ନୂଆଦିଲ୍ଲୀ: ଡିସେମ୍ବର ୧ରୁ କଲ୍ ପାଇଁ ଆପଣଙ୍କୁ ଗଣିବାକୁ ହେବ ଅଧିକ ଟଙ୍କା । ଆସନ୍ତା ଡିସେମ୍ବର ମାସ ୧ ତାରିଖରୁ ମହଙ୍ଗା ହେବାକୁ ଯାଉଛି ମୋବାଇଲ୍ କଲ୍ । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ଆଇଡିଆ, ଏୟାରଟେଲ୍, ଭୋଡାଫୋନ୍ ସମେତ ଜିଓର ଟାରିଫ ପ୍ଲାନରେ ବୃଦ୍ଧି କରାଯିବ ।
Sambad is now on WhatsApp
Join and get latest news updates delivered to you via WhatsApp
ଅର୍ଥାତ ଆପଣ ପୂର୍ବରୁ ଏହି ଟେଲିକମ୍ କମ୍ପାନୀ ଗୁଡିକ ଠାରୁ ଯେଉଁ ସେବା ପାଉଥିଲେ, ସେଥିପାଇଁ ଏବେ ଆପଣଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡିବ । ତେବେ ଏଥିରୁ କିଭଳି ମୁକ୍ତି ପାଇପାରିବେ ଓ ଶସ୍ତା ସେବା ବଜାୟ ରଖିପାରିବେ ସେ ବାବଦରେ ଆଜି ଆମେ ଆପଣଙ୍କୁ କହିବୁ |
ଟ୍ରାଇର ନିୟମ ମୁତାବକ ଯଦି କେହି ଗ୍ରାହକ କୌଣସି ବି ପ୍ଲାନ ପୂର୍ବରୁ ନେଇ ସାରିଛନ୍ତି ଏହାର ଅବଧି ନ ସରିବା ଯାଏଁ ନୂଆ ବର୍ଦ୍ଧିତ ମୂଲ୍ୟ ଲାଗୁ ହୋଇପାରିବ ନାହିଁ | ଯଦି ଆପଣ ଶସ୍ତା ମୋବାଇଲ ସେବା ଜାରି ରଖିବାକୁ ଚାଁହୁଛନ୍ତି ତେବେ ଡିସେମ୍ବର ୧ ତାରିଖ ପୂର୍ବରୁ ମୋବାଇଲରେ ୧ ବର୍ଷୀୟ ବୈଧତା ଥିବା ମୋବାଇଲ ପ୍ଲାନକୁ ଚୟନ କରି ଆକ୍ଟିଭେଟ କରିଦିଅନ୍ତୁ | ଯାହାଫଳରେ ଟ୍ରାଇର ନିୟମ ମୁତାବକ ବର୍ଷକ ଯାଏଁ ଆପଣଙ୍କ ସେବାରେ ବାଧା ଉପୁଜିବ ନାହିଁ ଓ ଆପଣ ସେହି ଶସ୍ତା ଫୋନ କଲ ପାଇପାରିବେ |