ଭାରତୀୟ ରିଜର୍ଭ ବ୍ୟାଙ୍କର ବଡ଼ ପଦକ୍ଷେପ : ଖୁବ ଶୀଘ୍ର ସପ୍ତାହକୁ ୨୪ ଘଣ୍ଟା ଓ ୭ଦିନ ହେବ ଅନଲାଇନ୍ ଫଣ୍ଡ୍ ଟ୍ରାନ୍ସଫର
ମୁମ୍ବାଇ: ଭାରତୀୟ ରିଜର୍ଭ ବ୍ୟାଙ୍କ ବ୍ୟାଙ୍କିଙ୍ଗ ସମୟ ପରେ ମଧ୍ୟ ଅନଲାଇନ୍ ଟଙ୍କା ନେଣଦେଣକୁ ସୁଗମ କରିବା ପାଇଁ ଏକ ବଡ ପଦକ୍ଷେପ ନେବାକୁ ଚିନ୍ତା କରୁଛି । ଆରବିଆଇ ନିଜ ପେମେଣ୍ଟ ଆଣ୍ଡ ସେଟଲମେଣ୍ଟ ସିଷ୍ଟମର ଭିଜନ୍ ଡକ୍ୟୁମେଣ୍ଟ ୨୦୧୯-୨୧ରେ ଏହି ବିଷୟରେ ପ୍ରସ୍ତାବ ଦେଇଛି । ଏହି ପ୍ରସ୍ତାବ ଅନୁସାରେ, ଏନଇଏଫଟି ଜରିଆରେ ଫଣ୍ଡ ଟ୍ରାନ୍ସଫରକୁ ସପ୍ତାହକୁ ୨୪ ଘଣ୍ଟା ଓ ୭ ଦିନ କରିଦିଆଯିବ। ଏ ନେଇ ଯୁକ୍ତି ଉପସ୍ଥାପନ କରାଯାଇଛି । ଏହାବ୍ୟତୀତ ରିଜର୍ଭ ବ୍ୟାଙ୍କ ଅନଲାଇନ୍ ଆରଟିଜିଏସ(Real Time Gross Settlement) ର ସମୟ ସୀମାକୁ ମଧ୍ୟ ବଢ଼ାଇବାର ସମ୍ଭାବନାକୁ ସମୀକ୍ଷା କରିବ ବୋଲି ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ଏବେ ଆପଣ ଅନଲାଇନ ନେଣଦେଣ ରବିବାର ଓ ମାସର ଦ୍ୱିତୀୟ ଓ ଚତୁର୍ଥ ଶନିବାରରେ କରିପାରିବେନି । ଏହା ବ୍ୟତୀତ ବ୍ୟାଙ୍କ ଛୁଟି ଦିନରେ ମଧ୍ୟ ଆପଣ ଏହି ଟ୍ରାଂଜାକସନ୍ କରିପାରିବେନି । ଅନ୍ୟ କାର୍ଯ୍ୟ ଦିବସରେ ଫଣ୍ଡ ଟ୍ରାନ୍ସଫର ପାଇଁ ଏନଇଏଫଟିର ବ୍ୟବହାର ସକାଳ ୮ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ହିଁ କରାଯାଇପାରିବ । ଏହା ବ୍ୟତୀତ ଶନିବାର ଦିନ ସକାଳ ୮ରୁ ପୂର୍ବାହ୍ନ ୧ଟା ପର୍ଯ୍ୟନ୍ତ ଏନଇଏଫଟି କରିହେବ। ଏହା ଫଳରେ ଅନଲାଇନ୍ ଟଙ୍କା ଦେଶନେଣ ସବୁ ସମୟରେ ହୋଇ ପାରିବା ସହ ଏହାର ପରିମାଣ ମଧ୍ୟ ବହୁଗୁଣିତ ହେବ।