ଚେନ୍ନାଇ: ରିନଲ୍ଟ ପକ୍ଷରୁ ନିଜର କମ୍ପାକ୍ଟ ଏସୟୁଭି କ୍ୱିଡ୍ର ୨ ଲକ୍ଷ ୟୁନିଟ୍ ବିକ୍ରି ସଫଳତାକୁ ସ୍ମରଣୀୟ କରିବା ପାଇଁ ଏକ ଅଜବ ନାଁରେ ସ୍ପେଶିଆଲ ଏଡିସନ ମଡେଲ ବଜାରକୁ ଛାଡିଛି । ଏହାର ନାଁ ହେଉଛି କ୍ୱିଡ୍ ସୁପରହିରୋ । ଇ-କମର୍ସ ସାଇଟ୍ ଆମାଜନ ଜରିଆରେ ମାତ୍ର ୯୯୯୯ ଟଙ୍କାରେ ଏହାକୁ ବୁକ୍ କରିହେବ ।
Sambad is now on WhatsApp
Join and get latest news updates delivered to you via WhatsApp
‘ଆଜିର ଦିନରେ ମାର୍ଭେଲ୍ର ଆଇରନ୍ ମ୍ୟାନ୍ ଏବଂ କ୍ୟାପ୍ଟେନ୍ ଆମେରିକା ହେଉଛନ୍ତି ସବୁଠୁ ଅଧିକ ପସନ୍ଦ କରାଯାଉଥିବା ସୁପର ହିରୋ । ଡିଜ୍ନିରେ ଆମେ ଏହି ଲୋକପ୍ରିୟ ଚରିତ୍ରକୁ ସବୁ ସ୍ଥାନରେ ଥିବା ପ୍ରେମୀମାନଙ୍କ ନିତିଦିନିଆ ଜୀବନର ଏକ ଅଂଶ କରିବା ପାଇଁ ନିରନ୍ତର ଭାବେ ଉଦ୍ୟମ କରୁଛୁ । କ୍ୱିଡ୍ ସୁପର ହିରୋ ଏଡିସନ୍ ସହିତ ପ୍ରେମୀମାନେ ସବୁ ସ୍ଥାନରେ ମାର୍ଭେଲ୍ର ଅନୁଭୂତି ହାସଲ କରିପାରିବେ’ ବୋଲି ଅଭିଷେକ ମାହେଶ୍ୱରୀ, କଣ୍ଟ୍ରି ମୁଖ୍ୟ, ଡିଜ୍ନି ଇଣ୍ଡିଆ କହିଛନ୍ତି । ରେନଲ୍ଟର ମୁମ୍ବାଇ ଓ ଚେନ୍ନାଇ ଡିଜାଇନ୍ ଷ୍ଟୁଡିଓ ଦ୍ୱାରା କ୍ୱିଡ୍ ସୁପର ହିରୋ ଏଡିସନ୍କୁ ଡିଜାଇନ୍ ଓ ବିକଶିତ କରାଯାଇଛି ।
କ୍ୱିଡ୍ ସୁପର ହିରୋ ଏଡିସନ୍କୁ ଶକ୍ତି ପ୍ରଦାନ କରୁଥିବା ୧.୦ ଏଲ୍ ଏସ୍ସିଇ ଇଂଜିନ୍କୁ ଉତ୍ତମ ପ୍ରଦର୍ଶନ ପାଇଁ ସ୍ୱତନ୍ତ୍ର ଭାବେ ଡିଜାଇନ୍ କରାଯାଇଛି। ଡବଲ୍ ଓଭରହେଡ୍ କାମ୍ସାଫ୍ଟ୍ (ଡିଓଏଚ୍ସି)ର ସିଲିଣ୍ଡର ପିଛା ୪ ଭାଲ୍ଭ ଲୋ ପ୍ରେସର୍ ଡ୍ରପ୍ ଏବଂ ଅଧିକ ଏୟାର ଲିଫ୍ଟିଂ ପାଇଁ ପ୍ରଭାବଶାଳୀ ଭାଲ୍ଭ୍ ଲିଫ୍ଟ ପ୍ରଦାନ କରୁଛି, ଫଳରେ ଇଂଜିନକୁ ଲୋ -ଏଣ୍ଡ୍, ମିଡ୍-ରେଞ୍ଜ୍ ଏବଂ ହାଇ-ଏଣ୍ଡ୍ ରେଭ୍ ବ୍ୟାଣ୍ଡ୍ରେ ବ୍ୟବହାର କରିବା ସହଜ ହେଉଛି।