୨ ମାସ ଧରି ବିନା ପାସୱାର୍ଡରେ ଥିଲା ଷ୍ଟେଟ ବ୍ୟାଙ୍କର ସର୍ଭର ! ଲକ୍ଷ ଲକ୍ଷ ଜମାକାରୀଙ୍କ ତଥ୍ୟ ଲିକ୍ ହୋଇଥିବା ସନ୍ଦେହ
ମୁମ୍ବାଇ : ଏକ ଚାଞ୍ଚଲ୍ୟକର ଖବର ସାମ୍ନାକୁ ଆସିଛି। ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ମୁମ୍ବାଇସ୍ଥିତ ସର୍ଭର ଏକ ନିର୍ଦ୍ଦିଷ୍ଟ ସମୟ ଯାଏଁ ବିନା ପାସୱାର୍ଡରେ ଥିଲା। ଯାହା ଫଳରେ ୨ ମାସ ଧରି କେହି ବି ଏଥିରେ ଥିବା ଜମାକାରୀଙ୍କ ବ୍ୟକ୍ତିଗତ ତଥ୍ୟ ଓ ଜମାଖାତାର ତଥ୍ୟ ହାସଲ କରିବାରେ କୌଣସି ଅସୁବିଧା ନଥିଲା ବୋଲି ଆମେରିକାର ଏକ ୱେବସାଇଟ ଟେକ୍ ଫ୍ରେଞ୍ଚ କହିଛି। ଭାରତର ସବୁଠୁ ବଡ ବ୍ୟାଙ୍କ ଡାଟା ଲିକ୍ ବୋଲି କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ, ଷ୍ଟେଟ ବ୍ୟାଙ୍କର ସର୍ଭର ବିନା ପାସୱାର୍ଡରେ ଥିଲା । ଯାହା ଦ୍ୱାରା ଅନାୟସରେ ଲକ୍ଷ ଲକ୍ଷ ଲୋକଙ୍କ ବ୍ୟାଙ୍କ ତଥ୍ୟ ହାସଲ କରାଯାଇପାରିବ । ଏହି ଡାଟା ସେଣ୍ଟରରେ ‘ଏସବିଆଇ କ୍ୱିକ’ରେ ୨ ମାସର ତଥ୍ୟ ରଖାଯାଇଥିଲା । ଏସବିଆଇ କ୍ୱିକ୍ ଏଭଳି ଏକ ବ୍ୟବସ୍ଥା ଯେଉଁଠି ଗ୍ରାହକଙ୍କୁ ଆକାଉଣ୍ଟ ସମ୍ବନ୍ଧୀୟ ସମସ୍ତ ତଥ୍ୟ ମେସେଜ କିମ୍ବା କଲ ମାଧ୍ୟମରେ ସୂଚନା ଦିଆଯାଇଥାଏ । ତେବେ ଏହାର ସୁରକ୍ଷା ଉପରେ ଧ୍ୟାନ ନ ଦିଆଯିବା କାରଣରୁୁ ଏଥିରୁ ବେଶ ସହଜରେ ଡାଟା ହାସଲ କରାଯାଇପାରୁଛି ।
ରିପୋର୍ଟ ଅନୁଯାୟୀ, ଏହି ସର୍ଭର କେବେ ଠାରୁ ଏଭଳି ବିନା ପାସୱାର୍ଡରେ କାର୍ଯ୍ୟ କରୁଛି ତାହା ଏଯାଏଁ ସ୍ପଷ୍ଟ ହୋଇନାହିଁ । ଜଣେ ସିକ୍ୟୁରିଟି ରିସର୍ଚ୍ଚର ଷ୍ଟେଟ ବ୍ୟାଙ୍କର ଏହି ସର୍ଭର ବିନା ପାସୱାର୍ଡରେ ଥିବା ଜାଣିବା ପରେ ଟେକ ଫ୍ରେଞ୍ଚ ପକ୍ଷରୁ ଏ ନେଇ ଏକ ରିପୋର୍ଟ ପ୍ରସ୍ତୁତ କରାଯାଇଥିଲା ।
ଏସବିଆଇ କ୍ୱିକରେ ବ୍ୟାଙ୍କ ଆକାଉଣ୍ଟ ସମ୍ବନ୍ଧୀୟ ସମସ୍ତ ତଥ୍ୟ ପାଇପାରନ୍ତି ଗ୍ରାହକ । ଶେଷ ୫ଟି ଟ୍ରାଞ୍ଜାକସନ ସହ ଏଟିଏମ କାର୍ଡ ମଧ୍ୟ ଏହି ସର୍ଭରରୁ ବନ୍ଦ କରାଯାଇପାରିବ । ତେବେ ଷ୍ଟେଟ ବ୍ୟାଙ୍କ ପକ୍ଷରୁ ଏହି ରିପୋର୍ଟ ଉପରେ କୌଣସି ବୟାନ ଜାରି କରାଯାଇନାହିଁ । ଏହାଛଡା ଏହି ଖବର ସାମ୍ନାକୁ ଆସିବା ପରେ ରାତାରାତି ଏହି ଡାଟାବେସକୁ ପାସୱାର୍ଡ ଦେଇ ସୁରକ୍ଷିତ କରିଛି ଷ୍ଟେଟ ବ୍ୟାଙ୍କ୍ ଅଫ୍ ଇଣ୍ଡିଆ ।