ସାନନ୍ଦ-ଟାଟା ମୋଟର୍ସ ଏବେ ପରିବେଶ ଅନୁକୂଳ ଇଲେକ୍ଟ୍ରିକ୍ କାର୍ ନିର୍ମାଣ କ୍ଷେତ୍ରରେ ପ୍ରବେଶ କରିଛି । କେବଳ ଟାଟା ମୋଟର୍ସ ନୁହେଁ, ଅନ୍ୟ ପ୍ରମୁଖ କମ୍ପାନି ମହିନ୍ଦ୍ରା ମଧ୍ୟ ଏ କ୍ଷେତ୍ରରେ ପ୍ରବେଶ କରିସାରିଛି । ବୁଧବାରଦିନ ଟାଟା ମୋଟର୍ସ ପକ୍ଷରୁ ଇ-ଟିଗର୍ ଇଲେକଟ୍ରିକ୍ କାରର ପ୍ରଥମ ବ୍ୟାଚ୍ ସାନନ୍ଦ ପ୍ଲାଣ୍ଟରୁ ବାହାରିଛି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ଅଧିନସ୍ଥ ଏନର୍ଜି ଏଫିସିଏନ୍ସି ସର୍ଭିସେସ୍ ଲିଃ (ଇଇଏସଏଲ) ପକ୍ଷରୁ ୧୦ ହଜାର ଇଲେକଟ୍ରିକ୍ କାର୍ ଖରିଦ ପାଇଁ ଟେଣ୍ଡର ଡକାଯାଇଥିଲା । ଏଥିରେ ଟାଟା ମୋଟର୍ସ ବିଜୟୀ ହୋଇ ପ୍ରଥମ ପର୍ଯ୍ୟାୟରେ ପ୍ରାୟ ୩୫୦ କାର୍ ଯୋଗାଇବା ପାଇଁ ଚୁକ୍ତି ବଦ୍ଧ ହୋଇଥିଲା ।
ଏସବୁ ନୂଆ ପରିବେଶ ଅନୁକୂଳ ଇ-ଟିଗୋର୍ କାରଗୁଡିକୁ ଟାଟା ଗ୍ରୁପ ତରଫରୁ ରତନ ଟାଟା, ଅଧ୍ୟକ୍ଷ ଏନ.ଚନ୍ଦ୍ରଶେଖରନ ଓ ଟାଟା ମୋଟର୍ସ ଏମଡି ଗୁଣ୍ଟର ବତସେକ୍ ପତାକା ଦେଖାଇ ଉନ୍ମୋଚନ କରିଥିଲେ ।
ଅନ୍ୟପକ୍ଷରେ ମହିନ୍ଦ୍ରାକୁ ମଧ୍ୟ ପ୍ରାୟ ୧୫୦ ଇ-ଭେରିଟୋ ଇଲେକଟ୍ରିକ୍ କାର ଯୋଗାଣ ପାଇଁ ଅର୍ଡର ଦିଆଯାଇଛି ।
ଦେଶର ତୈଳ ଆମଦାନୀ ହ୍ରାସ ଓ ପରିବେଶ ପ୍ରଦୂଷଣକୁ ନିୟନ୍ତ୍ରଣ କରିବାକୁ ଭାରତ ସରକାର ୨୦୩୦ ସୁଦ୍ଧା କେବଳ ଇଲେକଟ୍ରିକ୍ କାର ନିମନ୍ତେ ଅନୁମତି ଦେବାକୁ ବିଚାର କରୁଛନ୍ତି ।