ରେଳ ଯାତ୍ରୀଙ୍କ ପାଇଁ ଖୁସି ଖବର : ଟିକେଟ ସୁନିଶ୍ଚିତ ପାଇଁ କରିବାକୁ ପଡ଼ିବ ନାହିଁ ଅପେକ୍ଷା
ନୂଆଦିଲ୍ଲୀ : ଟିକେଟ୍ ବୁକ୍ କରିବା ସମୟରେ ଯାତ୍ରୀଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡ଼ିଥାଏ । ସେ ମଧ୍ୟରୁ ସବୁଠାରୁ ବଡ଼ ସମସ୍ୟା ହେଉଛି ଟିକେଟ ସୁନିଶ୍ଚିତ ନ ହେବା । ତେବେ ଯାତ୍ରୀଙ୍କ ଏଭଳି ସମସ୍ୟାର ସମାଧାନ କରିବାକୁ ଯାଇ ଭାରତୀୟ ରେଳବାଇ ମାଲବାହୀ ଗାଡ଼ି ଯିବା ପାଇଁ ୬,୦୦୦କିଲୋମିଟର ବିଶିଷ୍ଟ ୩ଟି ରେଳ ଧାରଣା ତିଆରି କରିବାକୁ ଯାଉଛି । ଏହି ୩ଟି ରେଳ ଧାରଣା ପାଇଁ ୨.୬ଲକ୍ଷ କୋଟି ଟଙ୍କା ଖର୍ଚ୍ଚ ହେବାକୁ ଥିବା ବେଳେ ୧୦ବର୍ଷ ମଧ୍ୟରେ ଏହି କାମ ଶେଷ ହେବ । ଯାହାଦ୍ୱାରା ଏବେ ମାଲାବାହୀ ଗାଡ଼ି ଚାଲୁଥିବା ଧାରଣାରେ ଯାତ୍ରୀବାହୀ ଟ୍ରେନ ଚାଲିବ । ଏପରି ହେବା ଦ୍ୱାରା େଓ୍ଵଟିଙ୍ଗ୍ ଲିଷ୍ଟ ସମସ୍ୟା ଶେଷ ବୋଲି ଭାରତୀୟ ରେଳବାଇ ପକ୍ଷରୁ ପୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଧାରଣାର କାମ ଶେଷ ହେବାକୁ ୧୦ବର୍ଷ ସମୟ ଲାଗିବାକୁ ଥିବା ବେଳେ କେବଳ ୪ବର୍ଷ ମଧ୍ୟରେ ଯାତ୍ରୀମାନେ ଏହାର ଲାଭ ଉଠାଇ ପାରିବେ । କାରଣ ସବୁଠାରୁ ବ୍ୟସ୍ତ ବହୁଳ ଦିଲ୍ଲୀ-ମୁମ୍ବାଇ ଓ ଦିଲ୍ଲା-ହାଓଡା ମାର୍ଗରେ ମାଲବାହୀ ଟ୍ରେନ୍ ପାଇଁ ଧାରଣା ନିର୍ମାଣ କାମ ଆରମ୍ଭ ହୋଇ ଯାଇଛି । ଯାହା ୨୦୨୧ ସୁଦ୍ଧା ଶେଷ ହେବ ବୋଲି ଜଣା ପଡ଼ିଛି । କାମ ଶେଷ ହେବା ପରେ ଦିଲ୍ଲୀ-ମୁମ୍ବାଇ ଓ ଦିଲ୍ଲା-ହାଓଡା ଦେଇ ଅଧିକରୁ ଅଧିକ ଯାତ୍ରୀବାହୀ ଟ୍ରେନ ଯାତାୟତ କରି ପାରିବ । ଯାହା ଦ୍ୱାରା େଓ୍ଵଟିଙ୍ଗ୍ ଲିଷ୍ଟର ସମସ୍ୟା ଶେଷ ହେବ ବୋଲି ଜଣା ପଡ଼ିଛି ।