ହ୍ଵାଟସ୍ଆପ୍ର ନୂଆ ଫିଚର : ଗ୍ରୁପ୍ ଆଡମିନ୍ଙ୍କୁ ମିଳିଲା ସୁପର ପାଓ୍ଵାର !
ନୂଆଦିଲ୍ଲୀ : ଗ୍ରାହକଙ୍କ ଚାହିଦା ହିସାବରେ ହ୍ଵାଟସ୍ଆପକୁ ଅପଡେଟ କରାଯାଇଥାଏ। ଏହାକୁ ଦେଖି ବର୍ତ୍ତମାନ ଏକ ନୂତନ ଫିଚର ଅପଡେଟ କରିଛି ହ୍ଵାଟସ୍ଆପ। ଏହି ଅପଡ଼େସନ ଦ୍ୱାରା ଗ୍ରୁପ ଆଡମିନ୍ମାନଙ୍କୁ ସୁପର ପାଓ୍ଵାର ମିଳିବ । ଏହି ସୁପର ଫିଚରର ନାମ ରହିଛି ରେଷ୍ଟ୍ରିକ୍ଟେଡ ଗ୍ରୁପ୍ । ଏହା ଦ୍ୱାରା ଗ୍ରୁପ୍ର ଆଡମିନ୍ଙ୍କର ଗ୍ରୁପ୍ର ଅନ୍ୟ ସଦସ୍ୟମାନଙ୍କ ଉପରେ ନିୟନ୍ତ୍ରଣ ରହିବ । ଅର୍ଥାତ ଏହା ଦ୍ୱାରା ଗ୍ରୁପ୍ର ଆଡମିନ ଗ୍ରୁପ୍ର ଅନ୍ୟ ସଦସ୍ୟଙ୍କ ମେସେଜ, ଫଟୋ ଓ ଭିଡ଼ିଓ ଉପରେ ନିୟନ୍ତ୍ରଣ ରଖିପାରିବେ । ଆସନ୍ତୁ ଜାଣିବା ପ୍ରକୃତରେ କ’ଣ ରହିଛି ଏହି ଫିଚରର ସ୍ୱାତନ୍ତ୍ର୍ୟ।
Sambad is now on WhatsApp
Join and get latest news updates delivered to you via WhatsApp
ହ୍ଵାଟସ୍ଆପର ଏହି ଫିଚରର ଲାଭ ଉଠାଇବା ପାଇଁ ପ୍ରଥମତଃ ଆପଣଙ୍କୁ ଏହାର ନୂତନ ଭର୍ସନ ଡାଉନଲୋଡ୍ କରିବା ପାଇଁ ପଡ଼ିବ । ଏହି ଅପଡେଟେଡ ଫିଚରଟି ହ୍ଵାଟସ୍ଆପର ୨.୧୮.୧୩୨ ଆଣ୍ଡ୍ରୋଏଡ ଭର୍ସନରେ ଉପଲବ୍ଧ ରହିଛି। ଏହି ଫିଚର ଦ୍ୱାରା ଆପଣ ଗ୍ରୁପ୍ର ଅନ୍ୟ ସଦସ୍ୟଙ୍କ ମେସେଜ, ଫଟୋ , ଭିଡ଼ିଓ ଉପରେ ନିୟନ୍ତ୍ରଣ ରଖିବା ସହ ନିର୍ଦ୍ଦିଷ୍ଟ ଯେକୌଣସି ବ୍ୟକ୍ତିଙ୍କୁ ଗ୍ରୁପ୍ରେ ବ୍ଲକ୍ କରିପାରିବେ ।
ଏହାକୁ ଆକ୍ଟିଭେଟ୍ କରିବା ପାଇଁ ପ୍ରଥମତଃ ଗ୍ରୁପ୍ ଇନ୍ଫୋ ଯିବାକୁ ପଡ଼ିବ । ଏହା ପରେ ଏଡ଼ିଟ ଗ୍ରୁପ ଇଫୋରେ ଯାଇ ଗ୍ରୁପ୍ ଡ଼େସ୍କ୍ରିପସନ୍ରେ ଏହାର ସେଟିଂ କରିପାରିବେ । ଏହି ଫିଚରଟି ବର୍ତ୍ତମାନ ଆଣ୍ଡ୍ରୋଏଡ , ଆଇଓଏସ୍ ଏବଂ ଓ୍ଵିଣ୍ଡୋଜ୍ ଫୋନ ଗୁଡ଼ିକରେ ଉପଲବ୍ଧ ରହିଛି। ତେବେ ଆଉ ଡ଼େରି କାହିଁକି ହ୍ଵାଟସଆପ୍ ଅପଡେଟ କରନ୍ତୁ ଏବଂ ନିଜ ଗ୍ରୁପ୍କୁ ନିଜ ହିସାବରେ ଚଳାନ୍ତୁ ।