ଟୁଟିକୋରିନ କପର ପ୍ଲାଣ୍ଟ ପୁଣି ଖୋଲିବାକୁ ବେଦାନ୍ତର ଉଦ୍ୟମ
ଟୁଟିକୋରିନ : ଚେନ୍ନାଇ ସ୍ଥିତ କପର ପ୍ଲାଣ୍ଟ ପୁଣି ଖୋଲିବାକୁ ଉଦ୍ୟମ କରୁଛୁ ବୋଲି ବେଦାନ୍ତ ସୂଚନା ଦେଇଛି । ଏଥିପାଇଁ ବିଭିନ୍ନ ସରକାରୀ ସଂସ୍ଥା ଓ ନିୟାମକ କର୍ତ୍ତୃପକ୍ଷଙ୍କ ସହ ମିଶି କାର୍ଯ୍ୟ କରାଯାଉଛି । ଗତ
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ ବେଦାନ୍ତର ଶାଖା କମ୍ପାନି ଷ୍ଟେରଲାଇଟର କପର ପ୍ଲାଣ୍ଟକୁ ବନ୍ଦ କରିବାକୁ ତାମିଲନାଡୁ ସରକାର ଗତ ମେ ମାସରେ ନିର୍ଦ୍ଦେଶ ଦେଇଥିଲେ । ଏହାକୁ ବନ୍ଦ କରିବାକୁ ଦାବି କରୁଥିବା ଲୋକମାନଙ୍କ ବିକ୍ଷୋଭ ହିଂସାତ୍ମକ ହେବାରୁ ପୁଲିସ ଗୁଳିରେ ୧୩ ଜଣ ବ୍ୟକ୍ତି ପ୍ରାଣ ହରାଇଥିଲେ । ଏହାକୁ ନେଇ ରାଜ୍ୟ ସରକାର ଭୀଷଣ ଚାପରେ ଥିଲେ । ରାଜ୍ୟମୁଖ୍ୟମନ୍ତ୍ରୀ ପାଲାନିସ୍ୱାମୀ କହିଥିଲେ ଯେ ସ୍ଥାନୀୟ ଲୋକମାନଙ୍କ ଇଚ୍ଛା ମୁତାବକ ପ୍ଲାଣ୍ଟକୁ ସଂପୂର୍ଣ୍ଣ ବନ୍ଦ କରିଦିଆଯାଇଛି । ଉକ୍ତ ପ୍ଲାଣ୍ଟର କନସେଣ୍ଟ-ଟୁ-ଅପରେଟ୍ ପ୍ରତ୍ୟାହାର କରିନିଆଯାଇଛି ଓ ପ୍ଲାଣ୍ଟକୁ ସିଲ କରିବାକୁ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡକୁ କୁହାଯାଇଛି । ଏବେ କମ୍ପାନି ପୁଣି ଥରେ କନସେଣ୍ଟ ଟୁ ଅପରେଟ ହାସଲ କରିବାକୁ ଉଦ୍ୟମ ଆରମ୍ଭ କରିଛି । ଏଥିପାଇଁ କମ୍ପାନି କେନ୍ଦ୍ର ପରିବେଶ ମନ୍ତ୍ରାଳୟ ଓ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ନିକଟରେ ଆବେଦନ କରିଛି ।
ଟୁଟିକୋରିନଠାରେ ଥିବା ବେଦାନ୍ତ ପ୍ଲାଣ୍ଟର ବାର୍ଷିକ ଉତ୍ପାଦନ କ୍ଷମତା ପ୍ରାୟ ୪ ଲକ୍ଷ ଟନ । ଏହା ବନ୍ଦ ହୋଇଥିବାରୁ ଦେଶର କପର ଉତ୍ପାଦନ ପ୍ରାୟ ଅଧା କମିଯାଇଛି । ଆହୁରି ମଧ୍ୟ ପ୍ଲାଣ୍ଟ ବନ୍ଦ ହେବା ଦ୍ୱାରା ପ୍ରାୟ ୩୦ ହଜାର ଲୋକ ଚାକିରି ବା ଜୀବିକା ହରାଇଛନ୍ତି ।