ଫେସ୍ବୁକ୍ରେ ୨ ମାସର ବନ୍ଧୁତା ପରେ ଘରୁ ଲୁଚି ବିବାହ କରିଥିଲେ ଯୁବତୀ,ଏବେ ଧୋକା ପରେ ୨ ମାସର ଶିଶୁକୁ କୋଳରେ ଧରି ବାପ ଘରକୁ ଫେରିଲେ
ଆଦିତ୍ୟପୁର(ଝାରଖଣ୍ଡ): ଝାରଖଣ୍ଡର ଆଦିତ୍ୟପୁରରେ ରହୁଥିବା ଜଣେ ଯୁବତୀଙ୍କ ଫେସ୍ବୁକ୍ ବନ୍ଧୁଙ୍କୁ ପ୍ରେମ କରି ବସିବା ମହଙ୍ଗା ପଡ଼ିଛି । ଦୁଇ ମାସର ବନ୍ଧୁତା ପରେ ମାତା-ପିତାଙ୍କୁ ପର କରି ଯୁବକଙ୍କୁ ବିବାହ କରିଥିବା ବେଳେ ଏବେ ଶାଶୁ ଘରୁ ବାପ ଘରକୁ ଫେରି ଆସିଥିବା ଜଣାପଡ଼ିଛି । ସାଥିରେ ଦୁଇ ମାସର ଶିଶୁକୁ ମଧ୍ୟ ନେଇ ଆସିଥିବା ସୂଚନା ମିଳିଛି । ପୀଡ଼ିତାଙ୍କ ସ୍ୱାମୀ ତାଙ୍କ ନିର୍ଯାତନା ଦେଉଥିବାରୁ ସେ ଘରକୁ ଫେରି ଆସିଥିବା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫେସ୍ବୁକ୍ରେ ପ୍ରେମ ହେବା ପରେ ଦୁଇ ମାସ ମଧ୍ୟରେ ଦୁହେଁ ବିବାହ କରିବା ପାଇଁ ନିଷ୍ପତ୍ତି ନେଇଥିଲେ । ଘର ଲୋକ ରାଜି ହେବେ ନାହିଁ ବୋଲି ଭାବି ଦୁହେଁ ଘରୁ ଲୁଚି ବିବାହ କରିଥିଲେ । ପରେ ଦୁହିଁଙ୍କ ପରିବାର ପରସ୍ପର ମଧ୍ୟରେ ବୁଝାମଣା କରି ବିବାହକୁ ସ୍ୱୀକୃତି ଦେଇଥିଲେ । ବିବାହର କିଛି ଦିନ ପରେ ପୀଡ଼ିତାଙ୍କ ଏକ ଝିଅ ମଧ୍ୟ ହୋଇଥିଲା । କିନ୍ତୁ ଝିଅ ହେବା ପରେ ପୀଡ଼ିତାଙ୍କ ଶାଶୁ ଗୌରୀ ଚନ୍ଦ୍ର ପୀଡ଼ିତାଙ୍କୁ ତାଙ୍କ ବାପ ଘରୁ ୫ଲକ୍ଷ ଟଙ୍କା ଆଣିବା ପାଇଁ ଚାପ ପକାଇବା ଆରମ୍ଭ କରିଥିଲେ ।
ଏ ନେଇ ପୀଡ଼ିତାଙ୍କ ଶାଶୁ ତାଙ୍କୁ ମାଡ଼ ମାରୁ ଥିବା ବେଳେ ପୀଡ଼ିତାଙ୍କ ସ୍ୱାମୀ ବିରୋଧ କରୁ ନଥିବା ଦେଖି ଶାଶୁ ଘର ଛାଡ଼ିବା ପାଇଁ ନିଷ୍ପତ୍ତିି ନେଇଥିଲେ ପୀଡ଼ିତା । ନିଜ ଦୁଇ ମାସର ଝିଅକୁ ଧରି ବାପ ଘରେ ପହଞ୍ଚିବା ପରେ ନିଜ ମାତା-ପିତାଙ୍କୁ ସବୁ କଥା ଜଣାଇଥିଲେ । ଯାହା ପରେ ପୀଡ଼ିତାଙ୍କ ବାପା ଆଦିତ୍ୟପୁର ଥାନାରେ ପହଞ୍ଚି ଏତଲା ଦେଇଥିବା ଜଣା ପଡ଼ିଛି ।