୧୨ବର୍ଷୀୟା ନାବାଳିକାକୁ ନିଶା ଦେଇ ଗଣଦୁଷ୍କର୍ମ କରିବା ପରେ ଦିଲ୍ଲୀ ଯାଉଥିବା ଟ୍ରେନରେ ଫିଙ୍ଗି ଦେଲେ ଦୁଷ୍କର୍ମକାରୀ
ମଥୁରା : ମଥୁରାରେ ଜଣେ ନାବାଳିକା ସହ ଗଣଦୁଷ୍କର୍ମ କରାଯାଇଥିବା ଖବର ସାମ୍ନାକୁ ଆସିଛି । ୩ଜଣ ଦୁଷ୍କର୍ମକାରୀ ନାବାଳିକାଙ୍କୁ ନିଶା ଦେଇ ବୃନ୍ଦାବନରେ ଥିବା ଏକ ହୋଟେଲକୁ ନେଇଯିବା ସହ ସେଠାରେ ଗଣଦୁଷ୍କର୍ମ କରିଥିଲେ ବୋଲି ଅଭିଯୋଗ ହୋଇଛି । ପରେ ଧରା ପଡ଼ିଯିବା ଭୟରେ ଦୁଷ୍କର୍ମକାରୀମାନେ ପୀଡ଼ିତାଙ୍କୁ ଦିଲ୍ଲୀ ଯାଉଥିବା ଏକ ଟ୍ରେନ ମଧ୍ୟରେ ଫିଙ୍ଗି ଦେଇଥିଲେ । ପୀଡ଼ିତାଙ୍କୁ ଅସଞ୍ଜତ ଅବସ୍ଥାରେ ଲୋକମାନେ ଦେଖି ପୁଲିସକୁ ଖବର ଦେବା ପରେ ପୀଡ଼ିତାଙ୍କୁ ଉଦ୍ଧାର କରି ଡ଼ାକ୍ତରଖାନା ପଠାଇଥିଲା ପୁଲିସ । ଏ ପର୍ଯ୍ୟନ୍ତ ଦୁଇଜଣ ଦୁଷ୍କର୍ମକାରୀଙ୍କୁ ପୁଲିସ ଚିହ୍ନଟ କରି ସାରିଥିବା ବେଳେ ଆଉ ଜଣଙ୍କ ବିଷୟରେ ଜାଣିବା ପାଇଁ ତଦନ୍ତ ଆରମ୍ଭ କରିଛି ପୁଲିସ । ତେବେ ଦୁଇ ଦୁଷ୍କର୍ମକାରୀଙ୍କୁ ଚିହ୍ନଟ କରାଯାଇଥିଲେ ମଧ୍ୟ ସେମାନଙ୍କୁ ଗିରଫ କରାଯାଇ ନାହିଁ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ଶୁକ୍ରବାର ନାବାଳିକା ଜଣଙ୍କ କୌଣସି କାମରେ ବାହାରକୁ ଯାଇଥିବା ବେଳେ ୩ଜଣ ଅଭିଯୁକ୍ତ ତାଙ୍କୁ ବାହାନାରେ ନିଜ ପାଖକୁ ଡ଼ାକିଥିଲେ । ପୀଡ଼ିତା ଜଣଙ୍କ ତାଙ୍କ ପାଖକୁ ଯିବା ପରେ ସେମାନେ ପୀଡ଼ିତାଙ୍କୁ ନିଶା ଦେଇ ଏକ ହୋଟେଲକୁ ନେଇ ଯିବା ସହ ସେଠାରେ ଗଣଦୁଷ୍କର୍ମ କରିଥିଲେ । ପରେ ଧରାପଡ଼ିଯିବା ଡ଼ରରେ ସେମାନେ ପୀଡ଼ିତାଙ୍କୁ ଟ୍ରେନରେ ଫିଙ୍ଗି ଦେଇଥିଲେ । ଅନ୍ୟ ପକ୍ଷରେ ପୀଡ଼ିତା ନିଖୋଜ ହେବା ପରେ ପରିବାର ଲୋକେ ଏତଲା ଦେବା ପାଇଁ ଯାଇଥିବା ବେଳେ ପୁଲିସ ଏତଲା ରଖି ନଥିଲା । ପରେ ପରିବାର ଲୋକେ ସମାଜିକ କାର୍ଯ୍ୟକର୍ତ୍ତାଙ୍କ ସହୟତାରେ ପୁଲିସରେ ଏତଲା ଦେବା ପରେ ପୁଲିସ ପୀଡ଼ିତାଙ୍କୁ ଖୋଜିବା ଆରମ୍ଭ କରିଥିଲା ।