ଘରକୁ ଆସି ଭଉଣୀକୁ ଗଣଦୁଷ୍କର୍ମ କଲେ ବଡ଼ ଭାଇର ୩ଜଣ ସାଙ୍ଗ
ଜବଲପୁର(ମଧ୍ୟପ୍ରଦେଶ): ମଧ୍ୟପ୍ରଦେଶର ଜବଲପୁରରେ ଘଟିଛି ଏକ ଅଶ୍ଚର୍ଯ୍ୟ କରିଦେବା ଭଳି ଘଟଣା । ଘରକୁ ଆସି ବଡ଼ ଭାଇର ୩ଜଣ ସାଙ୍ଗ ଭଉଣୀକୁ ଗଣଦୁଷ୍କର୍ମ କରିବାର ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଏହି ଘଟଣାଟି ଜୁନ୍ ୨୮ରେ ଘଟିଥିବା ବେଳେ ଗତକାଲି ପୁଲିସ ଥାନାରେ ଏହାର ଅଭିଯୋଗ କରାଯାଇଛି । ଅଭିଯୋଗ ପରେ ୩ ଅଭିଯୁକ୍ତଙ୍କ ମଧ୍ୟରେ ଦୁଇ ଜଣ ନାବାଳକ ଥିବା ଜଣା ପଡ଼ିଛି । ଦୁଇ ଜଣ ଅଭିଯୁକ୍ତଙ୍କୁ ଅଟକ ରଖା ଯାଇଥିବା ବେଳେ ଅନ୍ୟଜଣଙ୍କୁ ଗିରଫ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜୁନ୍ ୨୮ରେ ପୀଡ଼ିତା ଘରେ ଏକା ଥିବା ବେଳେ ତାଙ୍କ ବଡ଼ ଭାଇଙ୍କ ୩ଜଣ ସାଙ୍ଗ ଘରକୁ ଆସିଥିଲେ । ଘରେ ଭାଇ ନଥିଲେ ମଧ୍ୟ ଭାଇର ସାଙ୍ଗ ଭାବି ୩ଜଣଙ୍କୁ ଘର ଭିତରକୁ ଆସିବା ପାଇଁ ଦେଇଥିଲେ ପୀଡ଼ିତା । ଘର ଭିତରକୁ ପ୍ରବେଶ କରିବା ପରେ ୩ଜଣ ଘରର କବାଟ ପଛପଟୁ ଦେଇ ପୀଡ଼ିତାଙ୍କ ସହ ଗଣଦୁଷ୍କର୍ମ କରିଥିଲେ । ସାହାଯ୍ୟ ପାଇଁ ପାଟି କରିଥିଲେ ମଧ୍ୟ ଘରେ କେହି ନଥିବାରୁ ଗଣଦୁଷ୍କର୍ମରୁ ବର୍ତ୍ତି ପାରି ନଥିଲେ ପୀଡ଼ିତା । ଗଣଦୁଷ୍କର୍ମ ପରେ ଏ ନେଇ କାହାକୁ ଜଣାଇଲେ ପରିସ୍ଥିତି ଭୟାବହ ହେବ ବୋଲି ଅଭିଯୁକ୍ତମାନେ ଧମକ ଦେଇଥିଲେ । ଧମକକୁ ଡ଼ରି ପୀଡ଼ିତା କିଛି ଦିନ ଚୁପ୍ ରହିବା ପରେ ସୋମବାର ପୂରା ଘଟଣା ବିଷୟରେ ପରିବାର ଲୋକଙ୍କୁ ଜଣାଇଥିଲେ । ଏ ବିଷୟରେ ଜାଣି ପରିବାର ଲୋକେ ପୁଲିସରେ ଅଭିଯୋଗ କରିବା ପରେ ୩ଜଣଙ୍କୁ କାବୁ କରିଥିଲା ପୁଲିସ ।