ପାଲାକ୍କଡ଼(କେରଳ) : କେରଳର ପାଲାକ୍କଡ଼ ଅଞ୍ଚଳରୁ ଜଣେ ଦୁଇ ଦିନର ଶିଶୁକନ୍ୟାର ମୃତ ଦେହ ଉଦ୍ଧାର କରାଯାଇଛି । ଗୋଟେ କ୍ଲିନିକ୍ର ଶୌଚାଳୟ ପାଇପ୍ ଭିତରୁ ମୃତ ଦେହକୁ ଉଦ୍ଧାର କରାଯାଇଥିବା ଅଭିଯୋଗ ହୋଇଛି । କେହି ଜଣେ ଚିକିତ୍ସା କରାଇବା ବାହାନାରେ ଆସି ଏପରି କରିଥିବା କ୍ଲିନିକ୍ର ଡ଼ାକ୍ତର କହିଛନ୍ତି । ଏ ନେଇ ପୁଲିସକୁ ସୂଚନା ଦିଆଯିବା ପରେ ତଦନ୍ତ ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୂତାବକ, ଶୁକ୍ରବାର ସକାଳେ ଅବ୍ଦୁଲ ରେହମାନ ନାମକ ଜଣେ ଡ଼ାକ୍ତର ତାଙ୍କ ଘର ପାଖରେ ଥିବା କ୍ଲିନିକ୍ର ଶୌଚାଳୟରେ ପାଣି ଠିକ୍ ଭାବରେ ନ ଯିବାରୁ ସେ ପ୍ଲମ୍ବରକୁ ଡ଼ାକିଥିଲେ । ପ୍ଲମ୍ବର ଜଣଙ୍କ ଆସି ପାଇପ୍ ଦେଖିବା ପରେ ଭିତରେ କିଛି ଗୋଲାକାର ଆକାରରେ ଅଟକି ରହିଥିବାର ଦେଖିଥିଲେ । କିିଛି ସମୟ ପରେ ତାକୁ ବାହାର କରିବା ପରେ ତାହା ଜଣେ ଶିଶୁ କନ୍ୟାର ମୃତ ଶରୀର ବୋଲି ସେ ଜଣା ପଡ଼ିଥିଲା । ଏ ବିଷୟରେ ସେ ଡ଼ାକ୍ତରଙ୍କୁ ଜଣାଇବା ପରେ ଡ଼ାକ୍ତର ପୁଲିସକୁ ସୂଚନା ଦେଇଥିଲେ ।
ଘଟଣା ସ୍ଥଳରେ ପହଞ୍ଚି ପୁଲିସ ତଦନ୍ତ କରିବା ପରେ ଶିଶୁଟି ଦୁଇ ଦିନର ବୋଲି ଜଣା ପଡ଼ିଥିଲା । କେହି ଜଣେ ଚିକିତ୍ସା କରାଇବା ବାହାନାରେ ଆସି ଶୌଚାଳୟ ମଧ୍ୟରେ ପିଲା ଜନ୍ମ କରି ତାକୁ ଫିଙ୍ଗି ଦେଇଥିବା ପୁଲିସ ସନ୍ଦେହ କରୁଥିବା ବେଳେ ଅଭିଯୁକ୍ତ ମାତା-ପିତାଙ୍କୁ ଖୋଜିବା ଆରମ୍ଭ କରିଛି ପୁଲିସ ।