ସ୍ୱାମୀର ସାଙ୍ଗ ଉପରେ ଭରସା କରିବା ହେଲା କାଳ, ଗେଷ୍ଟ ହାଉସ୍ରେ ଚାକିରି ଦେବାକୁ ଡ଼ାକି ୩ ଦିନ ଧରି ଗଣଦୁଷ୍କର୍ମ କଲେ ୧୦ଜଣ
ଚଣ୍ଡିଗଡ଼ : ହରିୟାଣାର ପଞ୍ଚକୁଲାରେ ଜଣେ ୨୨ବର୍ଷିୟ ମହିଳା ଗଣଦୁଷ୍କର୍ମର ଶିକାର ହେବା ଚର୍ଚ୍ଚାର ବିଷୟ ପାଲଟିଛି । ଚାକିରି ଦେବାକୁ ଡ଼ାକି ସ୍ୱାମୀର ସାଙ୍ଗ ନିଜର ଅନ୍ୟ ୯ଜଣ ସାଥୀଙ୍କ ସହ ମିଶି ଏହି ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏକ ଗେଷ୍ଟହାଉସ୍ରେ ପୀଡ଼ିତାଙ୍କୁ ୩ ଦିନ ବନ୍ଦୀ ରଖିବା ସହ ତାଙ୍କ ସହ ଥର ଥର କରି ଗଣଦୁଷ୍କର୍ମ କରାଯାଇଥିଲା । ୩ ଦିନ ଧରି ବାହାରିବାକୁ ଚେଷ୍ଟା କରି ବିଫଳ ହେଉଥିବା ପୀଡ଼ିତା ଶେଷରେ ସେଠାରୁ ଖସି ଆସିବାରେ ସଫଳ ହୋଇଥିଲେ । ସେଠାରୁ ଆସି ନିଜ ସହ ଘଟିଥିବା ଘଟଣାର ଅଭିଯୋଗ କରିବା ପରେ ପୁଲିସ ଗେଷ୍ଟହାଉସ୍ର ଦୁଇ କର୍ମଚାରୀଙ୍କୁ ଗିରଫ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତା ଚାକିରି ଖୋଜୁଥିବା ଜାଣି ତାଙ୍କ ସ୍ୱାମୀଙ୍କର ଜଣେ ସାଙ୍ଗ ତାଙ୍କୁ ସାହାଯ୍ୟ କରିବେ ବୋଲି କହିଥିଲେ । ଜୁଲାଇ ୧୫ରେ ଅଭିଯୁକ୍ତ ସାଙ୍ଗ ପୀଡ଼ିତାଙ୍କୁ ଫୋନ କରି ମୋର୍ନି ହିଲ୍ସରେ ଥିବା ଏକ ଗେଷ୍ଟହାଉସକୁ ଡ଼ାକିଥିଲେ । ସେଠାରେ ପୀଡ଼ିତା ପହଞ୍ଚିବା ପରେ ଚାକିରି ବିଷୟରେ କଥା ନ ହୋଇ ତାଙ୍କୁ ତୁରନ୍ତ ବନ୍ଦ କରି ଦିିଆ ଯାଇଥିଲା । ଯାହା ପରେ ଜୁଲାଇ ୧୮ପର୍ଯ୍ୟନ୍ତ ତାଙ୍କ ସହ ବାରମ୍ବାର ଦୁଷ୍କର୍ମ କରାଯାଇଥିଲା । ୩ ଦିନର କଷ୍ଟ ପରେ ଶେଷରେ ସେଠାରୁ ଖସିବାରେ ସଫଳ ହୋଇଥିଲେ ପୀଡ଼ିତା । ଅଭିଯୋଗ ପରେ ପୁଲିସ ଦୁଇ ଗେଷ୍ଟହାଉସ୍ କର୍ମଚାରୀଙ୍କୁ ଗିରଫ କରିଥିବା ବେଳେ ସେମାନଙ୍କ ନାଁ ହନି ଏବଂ ଅବତାର ବୋଲି ଚିହ୍ନଟ କରାଯାଇଛି ।