ଜୋତାରେ ଛେପ ପକାଇ ଚାଟିବା ଭଳି ଅପମାନକୁ ସହି ନ ପାରି ଆତ୍ମହତ୍ୟା କଲେ ଯୁବକ
ମୁମ୍ବାଇ : ସୋମବାର ସାଉଥ ମୁମ୍ବାଇର କଫ ପାରେଡ଼େ ଅଞ୍ଚଳରେ ଅପମାନ ସହ୍ୟ ନକରି ପାରି ଜଣେ ୩୫ ବର୍ଷିୟ ବ୍ୟକ୍ତି ଆତ୍ମହତ୍ୟା କରିଛନ୍ତି। ମୃତକଙ୍କ ନାମ କରିମ ଶେଖ । ଚାରି ଜଣ ଦୁର୍ବୃତ୍ତ ତାଙ୍କୁ ଆକ୍ରମଣ କରିବା ସହ ଜଣେ ଜୋତାରେ ଛେପ ପକାଇ ତାକୁ ଚାଟିବା ପାଇଁ ବାଧ୍ୟ କରିଥିବାରୁ ସେ ଏପରି ପଦକ୍ଷେପ ନେଇଛନ୍ତି । ଏହି ବିଷୟରେ ସେ ତାଙ୍କ ଆତ୍ମହତ୍ୟା ପତ୍ରରେ ଉଲ୍ଲେଖ କରିଥିବାର କହିଛନ୍ତି ସ୍ଥାନୀୟ ପୁଲିସ କର୍ମଚାରୀ ।
ଘଟଣା ଅନୁଯାୟୀ,ବ୍ୟକ୍ତିଗତ ଶତ୍ରୁତା ଯୋଗୁଁ ଶୁକ୍ରବାର ଦିନ ସାଉଥ ମୁମ୍ବାଇର କଫ ପାରାଡ଼େ ଅଞ୍ଚଳରେ କରିମ ଶେଖଙ୍କୁ ୪ ଜଣ ଦୁର୍ବୃତ୍ତ ଆକ୍ରମଣ କରିଥିଲେ । ଏହି ଘଟଣା ସମୟରେ ଜଣେ ଦୁର୍ବୃତ୍ତ ନିଜ ଜୋତାରେ ଛେପ ପକାଇ କରିମଙ୍କୁ ଚାଟିବା ପାଇଁ ବାଧ୍ୟ କରିଥିଲା।
Sambad is now on WhatsApp
Join and get latest news updates delivered to you via WhatsApp
ସେହି ସମୟରେ କରିମ ସେହି ସ୍ଥାନରୁ ଖସି ପଳାଇବାରେ ସଫଳ ହୋଇଥିଲେ କିନ୍ତୁ ନିଜର ଅପମାନକୁ ସେ ଭୁଲି ପାରିନଥିଲେ । ଶେଷରେ ଶନିବାର ସନ୍ଧ୍ୟାରେ ଅପମାନରକୁ ସହ୍ୟ ନକରି ପାରି ନିଜକୁ ଫାଶୀ ଲଗାଇ ଦେଇଥିଲେ କରିମ । ପୁଲିସ ତଦନ୍ତ ସମୟରେ କରିମଙ୍କ ପାଖରୁ ଏକ ସୁଇସାଇଡ୍ ନୋଟ୍ ମିଳିଥିଲା । ଏଥିରେ ସେ ୪ ଜଣ ଦୁର୍ବୃତ୍ତଙ୍କର ନାମ ଉଲ୍ଲେଖ କରିଥିଲେ । ବର୍ତ୍ତମାନ ସେ ଅନୁସାରେ ପୁଲିସ ଇସମାଇଲ ଶେଖ, ଅକବର ଶେଖ, କରିଆ ପାଭସି ଏବଂ ଅଫଜଲ କ୍ୱରେସୀଙ୍କୁ ଗିରଫ କରିଛି ।