ନିଶା ଇଞ୍ଜେକ୍ସନ୍ ଦେଇ ୪ବର୍ଷୀୟ ଶିଶୁକନ୍ୟା ସହ ଦୁଷ୍କର୍ମ କଲେ ସ୍କୁଲ ଭ୍ୟାନ୍ ଚାଳକ ଏବଂ ସଫେଇ କର୍ମଚାରୀ
ଚେନ୍ନାଇ : ତାମିଲନାଡୁର କୋଏମ୍ବାଟୁରରେ ୪ ବର୍ଷୀୟ ଶିଶୁ କନ୍ୟା ସହ ଦୁଷ୍କର୍ମ ହୋଇଥିବା ଖବର ମିଳିଛି । ନିଶା ଇଞ୍ଜେକ୍ସନ୍ ଦେଇ ସ୍କୁଲ ଭ୍ୟାନ୍ ଚାଳକ ଏବଂ ସ୍କୁଲର ସଫେଇ କର୍ମଚାରୀ ଦୁଷ୍କର୍ମ କରିଛନ୍ତି । ଦୁହେଁ ପୀଡ଼ିତାଙ୍କ ସହ ସ୍କୁଲ ଭ୍ୟାନ ଭିତରେ ଦୁଷ୍କର୍ମ କରିଥିବା କହିଛି ପୁଲିସ । ପୂରା ମାମଲା ସାମ୍ନାକୁ ଆସିବା ପରେ ଏବେ ପୁଲିସ ଦୁହିଁଙ୍କ ବିରୋଧରେ ପୋକ୍ସୋ ଆକ୍ଟ ଅନୁଯାୟୀ ଏତଲା ରୁଜୁ କରିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ପୀଡ଼ିତା ଏକ ଘରୋଇ ସ୍କୁଲରେ ପଢ଼ୁଥିବା ବେଳେ ସ୍କୁଲ ଭ୍ୟାନ୍ରେ ଯିବା ଆସିବା କରନ୍ତି । ଯିବା ଆସିବା କରିବା ଭିତରେ ଚାଳକଙ୍କ ନଜର ପୀଡ଼ିତାଙ୍କ ଉପରେ ପଡ଼ିଥିଲା । ଏହା ପରେ ସେ ସ୍କୁଲର ସଫେଇ କର୍ମଚାରୀଙ୍କ ସହ ମିଶି ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ଦୁଷ୍କର୍ମ କରିବା ପରେ ଦୁହେଁ ପୀଡ଼ିତାଙ୍କୁ ନେଇ ଘରେ ଛାଡ଼ିବା ପରେ ପୀଡ଼ିତା ନିଜ ମାତା-ପିତାଙ୍କୁ ପୂରା ଘଟଣା ଜଣାଇଥିଲେ । ସବୁ ଘଟଣା ଜାଣି ପରିବାର ଲୋକେ ମହିଳା ପୁଲିସ ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇ ପୁଲିସ ଅଭିଯୁକ୍ତକୁ ଖୋଜିବା ଆରମ୍ଭ କରିବା ସହ ଦୁହିଁଙ୍କୁ ଗିରଫ କରିବାରେ ସଫଳ ହୋଇଥିଲା । ଗିରଫ ପରେ ଭ୍ୟାନ୍ ଚାଳକଙ୍କ ନାଁ ଗୋବିନ୍ଦରାଜ ଏବଂ ସଫେଇ କର୍ମଚାରୀଙ୍କ ନାଁ ମରୀମୁଥୁ ବୋଲି ଜଣା ପଡ଼ିଛି ।