ବ୍ୟାଙ୍କରୁ ୨କେଜି ସୁନା ଓ ୨୫ଲକ୍ଷ ଟଙ୍କା ଚୋରି କରି ନେଇଗଲେ ଏସ୍ବିଆଇ କ୍ୟାସିୟର
ହାଇଦ୍ରାବାଦ: ଭାରତୀୟ ଷ୍ଟେଟ୍ ବ୍ୟାଙ୍କର କର୍ମଚାରୀ ବ୍ୟାଙ୍କରୁ ୨କେଜି ସୁନା ଓ ୨୫ଲକ୍ଷ ଟଙ୍କା ଚୋରି କରିବାର ଏକ ମାମଲା ସାମ୍ନାକୁ ଆସିଛି । ବ୍ୟାଙ୍କର କ୍ୟାସିୟର ଏଭଳି ଅପରାଧ କରିଥିବା ବେଳେ ପରେ ପୁଲିସ ଅଭିଯୁକ୍ତକୁ ଗିରଫ କରି ଚୋରି ହୋଇଥିବା ଜିନିଷ ସବୁ ଜବତ କରି ନେଇଛି । ଘଟଣାଟି ଆନ୍ଧ୍ରପ୍ରଦେଶର କ୍ରିଷ୍ଣା ଜିଲ୍ଲାରେ ଘଟିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଅଭିଯୁକ୍ତ ଜି ଶ୍ରୀନିବାସ ରାଓ କିଛି ଦିନ ତଳେ ଭାରତୀୟ ଷ୍ଟେଟ୍ ବ୍ୟାଙ୍କର ପରିତଲା ଶାଖାକୁ ବଦଳି ହୋଇ ଆସିଥିଲେ । ବଦଳି ହୋଇ ଆସିବାର କିଛି ଦିନ ମଧ୍ୟରେ ବ୍ୟାଙ୍କ ମ୍ୟାନେଜରଙ୍କ ବଦଳି ହେବାରୁ ସେ ସୁନା ଏବଂ ଟଙ୍କା ରଖା ଯାଇଥିବା ଲକରର ସବୁ ଚାବି ଶ୍ରୀନିବାସଙ୍କୁ ଦେଇ ଯାଇଥିଲେ । କିଛି ସପ୍ତାହ ପରେ ନୂଆ ମ୍ୟାନେଜର ଆସି ଯୋଗ ଦେବା ପରେ ଲକରରେ କିଛି ଟଙ୍କା ଏବଂ ସୁନା ନଥିବା ଦେଖି ମେ’ ୨୮ରେ ପୁଲିସରେ ଅଭିଯୋଗ କରିଥିଲେ । ତଦନ୍ତ କରାଯିବା ପରେ ଶ୍ରୀନିବାସ ଏଭଳି ଅପରାଧ କରିଥିବା ସାମ୍ନାକୁ ଆସିଥିଲା ।