ମାତ୍ର ୨୦୦୦ ଟଙ୍କା ଦେଇ ବାଂଲାଦେଶୀ ଅପରାଧୀ ବନାଇଥିଲା ଭାରତୀୟ ଆଧାର କାର୍ଡ଼, ଗିରଫ କଲା ପୁଲିସ
ନୂଆଦିଲ୍ଲୀ : ଅନେକ ସମୟରେ ଏଭଳି ଜିନିଷ କେବଳ ଭାରତ ଭଳି ଦେଶରେ ହିଁ ଦେଖିବାକୁ ମିଳିଥାଏ । ବାହାର ଦେଶରୁ ଲୋକମାନେ ଆସି ନିଜକୁ ଭାରତର ବାସିନ୍ଦା ବୋଲି ପରିଚୟ ଦେଇ ଅପରାଧିକ କାମ କରି ଚାଲିଯାଆନ୍ତି । କିନ୍ତୁ ପୁଲିସକୁ ସବୁ ସରିବା ପରେ ଖବର ମିଳିଥାଏ । ଏବେ ଦିଲ୍ଲୀରୁ ଏକ ବାଂଲାଦେଶୀ ଗ୍ୟାଙ୍ଗର ପର୍ଦ୍ଦାଫାସ୍ କରିଛି ପୁଲିସ । ଭାରତକୁ ଆସି ଆଧାର କାର୍ଡ଼ କରିବା ସହ ଦିଲ୍ଲୀ ଚୋରୀ କରୁଥିଲା ଏହି ଗ୍ୟାଙ୍ଗ । ଏହାର ମୁଖ୍ୟ ମହମ୍ମଦ ଇକ୍ରମ ବାଂଲାଦେଶର ଖୁଲ୍ନା ଜିଲ୍ଲାର ହୋଇଥିବା ବେଳେ ନିଜକୁ ଦିଲ୍ଲୀର ସୁନ୍ଦର ନଗରୀ ବାସିନ୍ଦା ବୋଲି ପରିଚୟ ଦେଉଥିଲା । ସେ ତିଆରି କରିଥିବା ଆଧାର କାର୍ଡ଼ରେ ମହମ୍ମଦ ଇକ୍ରମର ଠିକଣା ସୁନ୍ଦର ନଗର ବୋଲି ଲେଖା ଯାଇଥିଲା । ଇକ୍ରମ ନିଜର ଆଧାର କାର୍ଡ଼ ବ୍ୟବହାର କରି କାନ୍ପୁରରୁ ସିମ୍ କାର୍ଡ଼ କିଣିଥିଲା । ଯାହାଦ୍ୱାରା ପୁଲିସ ମୋବାଇଲ ନମ୍ବର ଟ୍ରାକ୍ କରି ମହମ୍ମଦ ଇକ୍ରମ ଗ୍ୟାଙ୍କକୁ ଗିରଫ କରିବାରେ ସଫଳ ହୋଇଥିଲା । ପୁଲିସ ଦେଇଥିବା ସୂଚନା ଅନୁଯାୟୀ,ଇକ୍ରମ ନିଜ ଦିଲ୍ଲୀର ଠିକଣା ଦେଇ ଭୋଟ ପରିଚୟ ପତ୍ର ତିଆରି କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇକ୍ରମ ଭାରତ ଆସିବା ପରେ ଲାଞ୍ଚ ନେଇ ଆଧାର କାର୍ଡ଼ ତିଆରି କରୁଥିବା ଅନ୍ୟ ବାଂଲାଦେଶୀ କଲାମଙ୍କୁ ଭେଟିଥିଲେ । କଲାମ ଭାରତରେ ରହି ଅନ୍ୟ ଦେଶରୁ ଆସୁଥିବା ଲୋକମାନଙ୍କୁ ବେଆଇନ ଭାବରେ ଆଧାର କାର୍ଡ଼ ଯୋଗାଉଥିଲେ । ମାତ୍ର ୨ହଜାର ଟଙ୍କା ନେଇ ସେ ଏପରି କରୁଥିବା ଜଣା ପଡ଼ିଛି । ଏହି ଘଟଣା ପରେ ପୁଲିସ କେତେ ଅସହାୟ ତାହା ପ୍ରମାଣିତ ହୋଇଛି । ୧୯୯୪-୨୦୧୮ ପର୍ଯ୍ୟନ୍ତ ଇକ୍ରମ ଖୁବ୍ ଆରାମରେ ଅପରାଧ କରି ଚାଲୁଥିବା ବେଳେ ଏତେ ବର୍ଷ ପରେ ପୁଲିସ ମହମ୍ମଦ ଇକ୍ରମକୁ ଗିରଫ କରିବାରେ ସଫଳ ହୋଇଛି । ପୁଲିସ ଦେଇଥିବା ସୂଚନା ଅନୁଯାୟୀ,ପାଖାପାଖି ୪ଲକ୍ଷ ବାଂଲାଦେଶୀ ବେଆଇନ୍ ଭାବରେ ଦିଲ୍ଲୀରେ ରହୁଛନ୍ତି । କୋଲକାତାରୁ ସେମାନେ ଟ୍ରେନ ଯୋଗେ ଦିଲ୍ଲୀ ଆସୁଥିବା କହିଛି ପୁଲିସ ।