ପଦର ଲାଭ ଉଠାଇ ୪୫ଲକ୍ଷ ଟଙ୍କା ଲୁଟିଲେ ବ୍ୟାଙ୍କରେ କାମ କରୁଥିବା ପତ୍ନୀ, ଅଭିଯୋଗ କଲେ ସ୍ୱାମୀ
ନୂଆଦିଲ୍ଲୀ : ୩୬ବର୍ଷୀୟ ବ୍ୟକ୍ତି ବ୍ୟାଙ୍କରେ କାମ କରୁଥିବା ନିଜ ପତ୍ନୀଙ୍କ ବିରୋଧରେ ଲୁଟ୍ ଅଭିଯୋଗ ଆଣିବା ଏବେ ଚର୍ଚ୍ଚାର ବିଷୟ ପାଲଟିଛି । ପୀଡ଼ିତ ଅମିତ୍ ଭଗବାନ ନିଜର ୩୫ବର୍ଷୀୟ ପତ୍ନୀ ବିଜୟଲକ୍ଷ୍ମୀଙ୍କ ବିରୋଧରେ ୪୫ଲକ୍ଷ ଟଙ୍କାର ସୁନା ଠକି ନେବା ସହ କିଛି ଟଙ୍କା ଠକି ନେଇଥିବାର ଅଭିଯୋଗ ଆଣିଛନ୍ତି । ଦୁହେଁ ୮ବର୍ଷ ତଳେ ବିବାହ କରିଥିବା ବେଳେ ଦୁହିଁଙ୍କ ଦୁଇଟି ସନ୍ତାନ ଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଅମିତ୍ଙ୍କ ଅଭିଯୋଗ ଅନୁଯାୟୀ, ୨୦୧୨ରୁ ୨୦୧୪ ମଧ୍ୟରେ ବିଜୟଲକ୍ଷ୍ମୀ କାମ କରୁଥିବା ଇଣ୍ଡିଆନ୍ ଓଭରସିଜ୍ ବ୍ୟାଙ୍କରେ ଜଏଣ୍ଟ ଆକାଉଣ୍ଟ ଖୋଲିଥିଲେ । କିନ୍ତୁ ଦୁହେଁ କାମ ପାଇଁ ଅଲଗା ଅଲଗା ରହୁଥିବାରୁ ଦୁହିଁଙ୍କ ସଂପର୍କରେ ତିକ୍ତତା ଆସି ଯାଇଥିଲା । ଏହା ପରେ ଦୁହେଁ ୨୦୧୭ରେ ପରସ୍ପରଠାରୁ ଅଲଗା ହୋଇ ରହିବା ଆରମ୍ଭ କରିଥିଲେ । ଏହାର ଫାଇଦା ଉଠାଇ ବ୍ୟାଙ୍କରେ ବଡ଼ ପଦବୀରେ ଥିବାରୁ ବିଜୟଲକ୍ଷ୍ମୀ ଜଏଣ୍ଟ ଆକାଉଣ୍ଟରୁ ଟଙ୍କା ଉଠାଇବା ଆରମ୍ଭ କରି ଦେଇଥିଲେ । ଏହା ସହ ଆକାଉଣ୍ଟର ଦାୟିତ୍ୱ ନିଜ ହାତକୁ ନେବା ସହ ଗହଣା ନେଇ ବ୍ୟବହାର କରିବା ମଧ୍ୟ ଆରମ୍ଭ କରି ଦେଇଥିଲେ ବୋଲି ପୁଲିସରେ ଅଭିଯୋଗ କରିଛନ୍ତି ଅମିତ୍ ।