୩୫ଥର ପ୍ରେମ ପ୍ରସ୍ତାବ ଦେବା ପରେ ମଧ୍ୟ ମନା କରିବାରୁ ପ୍ରେମିକାକୁ ୩୫ଥର ଛୁରୀ ଭୁସି ହତ୍ୟା କଲା ପ୍ରେମିକ
ସୋମନାଥ(ଗୁଜୁରାଟ) : ଭଲ ପାଇବାରେ ବିଫଳ ହେବା ପରେ ଅନେକ ସମୟରେ ଯୁବକ-ଯୁବତୀମାନେ ବଡ଼ ବଡ଼ ଭୁଲ କରି ବସିଥାନ୍ତି । ଯାହାର ଫଳ ସେମାନଙ୍କୁ ପରେ ଭୋଗିବାକୁ ପଡ଼ିଥାଏ । ଗୁରୁରାଟର ସୋମନାଥରେ କିଛି ଏଭଳି ଘଟଣା ଘଟିଛି, ଯାହା ସାଧାରଣ ଲୋକଙ୍କ ସମେତ ପୁଲିସକୁ ମଧ୍ୟ ଦୋହଲାଇ ଦେଇଛି । ପ୍ରେମ ନିବେଦନ କରି ବିଫଳ ହେବାରୁ ପ୍ରେମିକ ଯେଉଁ ପଦକ୍ଷେପ ନେଇଛି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି । ଅଭିଯୁକ୍ତ ପ୍ରେମିକର ପ୍ରେମ ନିବେଦନକୁ ଗ୍ରହଣ ନ କରିଥିବାରୁ ପ୍ରତିଶୋଧ ନେବାକୁ ଯାଇ ପ୍ରେମିକ ପୀଡ଼ିତାଙ୍କୁ ୩୫ଥର ଛୁରୀ ଭୁସି ହତ୍ୟା କରିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ଏହି ଘଟଣା ପରେ ପୁଲିସ ଅଭିଯୁକ୍ତ ପ୍ରେମିକକୁ ଗିରଫ କରିବାରେ ସଫଳ ହୋଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଦୁହେଁ ଗୋଟେ ସ୍କୁଲରେ ପାଠ ପଢ଼ୁଥିବା ବେଳେ ଅଭିଯୁକ୍ତ ମନେ ମନେ ପୀଡ଼ିତାଙ୍କୁ ଭଲ ପାଇ ବସିଥିଲେ । ମେସେଜ୍ ଏବଂ ଫୋନ କରି ଅଭିଯୁକ୍ତ ପୀଡ଼ିତାଙ୍କୁ ପ୍ରେମ ନିବେଦନ କରିବା ଆରମ୍ଭ କରିଥିଲେ । କିନ୍ତୁ ପୀଡ଼ିତା ଅଭିଯୁକ୍ତର ନିବେଦନକୁ ପ୍ରତ୍ୟାଖାନ କରିବା ସହ ଘରେ ସବୁ ଜଣାଇ ଦେଇଥିଲେ । ସବୁ ଜାଣିବା ପରେ ପୀଡ଼ିତାଙ୍କ ମା’ ଅଭିଯୁକ୍ତକୁ ଫୋନ କରି ଏପରି ନ କରିବାକୁ ପାଇଁ ତାଗିଦ୍ କରିଥିଲେ । କିନ୍ତୁ ଅଟକି ନ ଥିଲା ଅଭିଯୁକ୍ତ । ଶେଷ ଥର ପାଇଁ ପ୍ରେମ ନିବେଦନ କରିବାକୁ ଅଭିଯୁକ୍ତ ନିଜ ସାଙ୍ଗର ସାହାଯ୍ୟରେ ପୀଡ଼ିତାଙ୍କୁ ପାଖ ଶିବ ବନ୍ଦିରକୁ ଡ଼କାଇଥିଲେ । ପହଞ୍ଚିବା ପରେ ଶେଷ ଥର ପାଇଁ ପ୍ରେମ ନିବେଦନ କରି ମୋତେ ଗ୍ରହଣ କରିନିଅ ବୋଲି କହିଥିଲା ଅଭିଯୁକ୍ତ । କିନ୍ତୁ ପୀଡ଼ିତା ମନା କରି ଦେବାରୁ ଅଭିଯୁକ୍ତ ସଙ୍ଗେ ସଙ୍ଗେ ଛୁରୀ ବାହାର କରି ପୀଡ଼ିତାଙ୍କୁ ହତ୍ୟା କରିଥିଲା । ଅନ୍ୟ ପକ୍ଷରେ ପୀଡ଼ିତା ଘରକୁ ନ ଫେରିବାରୁ ପରିବାର ଲୋକେ ପୁଲିସରେ ଖବର ଦେଇ ଅଭିଯୁକ୍ତ ପ୍ରେମିକ ଉପରେ ସନ୍ଦେହ ଥିବା କହିଥିଲେ । ଯାହା ପରେ ପୁଲିସ ତଦନ୍ତ କରି ଅଭିଯୁକ୍ତକୁ ଧରିବା ସହ ଶବ ଜବତ କରିଥିଲା ।