ଦୁଷ୍କର୍ମ ପରେ ଗର୍ଭବତୀ ହେଲା ନାବାଳିକା,ନ୍ୟାୟ ଦେବାକୁ ଯାଇ ଅଭିଯୁକ୍ତ ଏବଂ ପୀଡ଼ିତାଙ୍କୁ ଜିଅନ୍ତା ଜାଳିବାକୁ ଆଦେଶ ଦେଲା ପଞ୍ଚାୟତ !
ଜମ୍ଶେଦ୍ପୁର : ଏବେ ସାରା ଦେଶରେ #ମି ଠୁ ଭଳି ଅଭିଯାନ କରାଯାଇ ମହିଳାମାନଙ୍କୁ ତାଙ୍କ ସହ ଘଟିଥିବା ଯୌନ ଶୋଷଣ ବିଷୟରେ କହିବା ପାଇଁ ସାହସ ଦିଆଯାଉଛି । କିନ୍ତୁ ଏଭଳି ପରିସ୍ଥିତିରେ ଝାରଖଣ୍ଡରେ ଘଟିଥିବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଝାରଖଣ୍ଡର ଚାଇବସାରେ ଜଣେ ନାବାଳିକାକୁ ତା’ର ଜଣେ ଦାଦା ଦୁଷ୍କର୍ମ କରିବା ପରେ ପୀଡ଼ିତା ଗର୍ଭବତୀ ହୋଇ ଯାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଦୋଷୀକୁ ଦଣ୍ଡ ଦେବା ପାଇଁ ପୀଡ଼ିତାଙ୍କ ପରିବାର ଲୋକେ ପଞ୍ଚାୟତ ଡ଼ାକିଥିବା ବେଳେ ପଞ୍ଚାୟତରେ ଅଭିଯୁକ୍ତ ଉପରେ ୫ଲକ୍ଷ ଟଙ୍କାର ଜରିମାନା ଲଗାଇ ଯାଇଥିଲା । ଏହା ସହ ପୀଡ଼ିତା ଏବଂ ଅଭିଯୁକ୍ତଙ୍କୁ ଜିଅନ୍ତା ଜାଳିବା ପାଇଁ ପଞ୍ଚାୟତ ରାୟ ଦେବା ପରେ ଏହି ରାୟ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିବା ଦେଖା ଦେଇଛି । ଅନ୍ୟ ପକ୍ଷରେ ଏନେଇ ପୁଲିସକୁ ସୂଚନା ମିଳିବା ପରେ ଏସ୍ପି କ୍ରାନ୍ତି କୁମାର ଏ ନେଇ ତଦନ୍ତ ଆଦେଶ ଦେବା ସହ ଅଭିଯୁକ୍ତମାନଙ୍କ ବିରୋଧରେ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ।
ସୂଚନା ମୁତାବକ, ଅଭିଯୁକ୍ତ ରୋବିନ ୨ବର୍ଷ ପର୍ଯ୍ୟନ୍ତ ନିଜ ବଡ଼ ଭାଇଙ୍କ ଘରେ କାମ କରି ଆସୁଥିଲେ । ଏହି ସମୟରେ ସେ ନିଜ ଝିଆରି ସହ ବାରମ୍ବାର ଦୁଷ୍କର୍ମ କରିବା ସହ ଏ ବିଷୟରେ କାହାକୁ ନ କହିବା ପାଇଁ ଧମକାଇଥିଲେ । କିନ୍ତୁ ପୀଡ଼ିତା ଗର୍ଭବତୀ ହେବା ପରେ ଅଭିଯୁକ୍ତ ରୋବିନ୍ଙ୍କ କଳା କାର୍ନାମା ବାହାରକୁ ଆସି ଯାଇଥିଲା । ଗତ ମଙ୍ଗଳବାର ପଞ୍ଚାୟତରେ ଅଭିଯୁକ୍ତ ନିଜର ଦୋଷ ସ୍ୱୀକାର କରିବା ପରେ ପଞ୍ଚାୟତ ଏଭଳି ଆଶ୍ଚର୍ଯ୍ୟ କଲାଭଳି ରାୟ ଶୁଣାଇଥିଲା ।