ପଞ୍ଚକୁଳା ସ୍କୁଲ୍‌ ବାହାରେ ଏକାଦଶ ଶ୍ରେଣୀ ଛାତ୍ରଙ୍କୁ ଛୁରିମାରି ହତ୍ୟା ମାମଲାରେ ନବମ ଶ୍ରେଣୀ ଛାତ୍ର ଗିରଫ

ପଞ୍ଚକୁଳା: କିଛି ସ୍ଥାନୀୟ ଯୁବକଙ୍କ ସହାୟତାରେ ଜଣେ ଏକାଦଶ ଶ୍ରେଣୀର ଛାତ୍ରଙ୍କୁ ଛୁରି ଭୁଷି ହତ୍ୟା କରାଯିବାର ଦୁଇ ଦିନ ପରେ ବୁଧବାର ଦିନ ଜଣେ ନବମ ଶ୍ରେଣୀର ଛାତ୍ରଙ୍କୁ ଗିରଫ କରାଯାଇଛି।

ସେପ୍ଟେମ୍ବର ୧୭ ତାରିଖ ଦିନ ସେକ୍ଟର୍‌ ୭ ଅନ୍ତର୍ଗତ ସରକାରୀ ସରକାରୀ ସେକେଣ୍ଡାରି ସ୍କୁଲ୍‌ ବାହାରେ ଛୁରାମାଡ଼ ହୋଇଥିଲା।

ନିହତ ଛାତ୍ରଙ୍କୁ ବଞ୍ଚାଇବାକୁ ଯାଇ ଜଣେ ୧୦ ଶ୍ରେଣୀର ଛାତ୍ର ମଧ୍ୟ ଆହତ ହୋଇଛନ୍ତି।

ମୃତ ଛାତ୍ର ଏବଂ ଆତତାୟୀ ଅଭିଯୁକ୍ତ ଛାତ୍ରଙ୍କ ମଧ୍ୟରେ କେଉଁ କାରଣରୁ ବିବାଦ ହୋଇଥିଲା ତାହା ସ୍ପଷ୍ଟ ହୋଇ ନାହିଁ। ମିଳିଥିବା ଖବର ଅନୁସାରେ, ବିକାଷ ଥିଲା ଏକାଦଶ ଶ୍ରେଣୀର ଛାତ୍ର। କମେଣ୍ଟ୍‌ ମରାକୁ ବିରୋଧ କରିବାରୁ ତାଙ୍କୁ ଛୁରାମାଡ଼ ହୋଇଥିବା କଥା ଶୁଣାଯାଉଛି।

ଅନ୍ୟ କେତେକ ରିପୋର୍ଟ ଅନୁସାରେ, ମୋବାଇଲ୍‌ ଫୋନ୍‌ ଛଡ଼ାଛଡ଼ି ଘଟନା ଯୋଗୁଁ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା।

ଆକ୍ରମଣରେ ସମ୍ପୃକ୍ତ ଛାତ୍ରମାନେ ସହରର ଆଇଟିଆଇ ଛାତ୍ର ବୋଲି ସନ୍ଦେହ କରାଯାଉଛି।

ଏକାଦଶ ଶ୍ରେଣୀ ଛାତ୍ର ମୃତ୍ୟୁ ଘଟଣାରେ ସମ୍ପୃକ୍ତ କେତେକ ନାବାଳକଙ୍କୁ ମଧ୍ୟ ପୁଲିସ ଗରିଫ କରିଛି।

ସିସିଟିଭି ଫୁଟେଜ୍‌ ଯାଞ୍ଚ କରାଯିବା ପରେ ଏହି ଲୋମହର୍ଷକ ଘଟନା ଦେଖିଥିବା ଛାତ୍ରମାନେ ଉଲ୍ଲେଖ କରିଥିବା ନାମ ଅନୁସାରେ ଗିରଫଦାରି କରାଯାଇଥିଲା।

ମାମଲା ସଂକ୍ରାନ୍ତରେ ତଦନ୍ତ ଚାଲିଛି ବୋଲି ଡିସିପି କହିଛନ୍ତି।