ନୂଆଦିଲ୍ଲୀ: ଏୟାର ଇଣ୍ଡିଆର ଯାତ୍ରୀଙ୍କ ଖାଦ୍ୟରେ ପୁଣି ଥରେ ଅସରପା ବାହାରିବା ଘଟଣା ମଙ୍ଗଳବାର ସୋସିଆଲ ମିଡିଆରେ ଆସିବାରେ ହଇଚଇ ସୃଷ୍ଟି କରିଛି। ଏୟାର ଇଣ୍ଡିଆ ବିମାନରେ ଜଣେ ମହିଳା ଯାତ୍ରୀ ଯାତ୍ରା କରୁଥିବା ସମୟରେ ତାଙ୍କର ଖାଦ୍ୟ ଥାଳିରେ ଅସରପା ବାହାରିଥିବା ନେଇ ସେ ଟୁଇଟରରେ ନିଜର ଅସନ୍ତୋଷ ବ୍ୟକ୍ତ କରିବା ସହିତ ଥାଳିରେ ଅସରପା ଥିବାର ଏକ ଫଟୋ ପୋଷ୍ଟ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ଯାତ୍ରୀଙ୍କ ନାମ ହରିନ୍ଦର ବେଓ୍ଵଜା। ସେ ଟୁଇଟରରେ ଦିଲ୍ଲୀ ଏୟାରପୋର୍ଟର ଲାଉଞ୍ଜରେ ବିଜନେସ୍ ଓ ଫାଷ୍ଟ କ୍ଲାସ୍ ଯାତ୍ରୀଙ୍କୁ ଖାଦ୍ୟରେ ଅସରପା ଦିଆ ଯାଉଥିବା ନେଇ ଟୁଇଟ କରି ଏୟାର ଇଣ୍ଡିଆକୁ ଟ୍ୟାଗ୍ କରିଥିଲେ।
ତେବେ ମହିଳାଙ୍କ ଏହି ଟୁଇଟ ପରେ ଲୋକମାନେ ଏୟାର ଇଣ୍ଡିଆର ମଜାକ୍ ଉଡାଇବାରେ ଲାଗିଥିଲେ। କେହିକେହି କହିଥିଲେ ଆରେ! ପୁଣିଥରେ ଏୟାର ଇଣ୍ଡିଆରେ ନନ୍-ଭେଜ୍ ପରାସା ଗଲାଣି !
ଉଲ୍ଲେଖଯୋଗ୍ୟ, କିଛିବର୍ଷ ପୂର୍ବ ଏୟାର ଇଣ୍ଡିଆରେ ଯାତ୍ରା କରୁଥିବା ଜଣେ ଯାତ୍ରୀ ଅଭିଯୋଗ ଆଣି କହିଥିଲେ, ତାଙ୍କ ଖାଦ୍ୟରେ ଝିଟିପିଟି ବାହାରିଥିଲା ।
Dear @airindiain cockroaches on food plates at your Delhi Lounge for biz and first class passengers. Disgusting pic.twitter.com/LEy9GtrgTY
— Harinder Baweja (@shammybaweja) December 20, 2017