ମହିଳାଙ୍କଠାରୁ କମ ଟଙ୍କା ନେଇ ଗନ୍ତବ୍ୟ ସ୍ଥଳରେ ଛାଡ଼ିବାରୁ ସାଥୀ ଅଟୋ ଚାଳକମାନେ ମାରିଲେ ଗୁଳି, ଗୁରୁତର ଅବସ୍ଥାରେ ଡ଼ାକ୍ତରଖାନାରେ ଭର୍ତ୍ତି ହେଲେ ଯୁବକ
ନୂଆଦିଲ୍ଲୀ : ରାଜଧାନୀ ଦିଲ୍ଲୀରେ କିଛି ଅଟୋ ଚାଳକ ମିଶି ନିଜ ସାଥୀ ଅଟୋ ଚାଳକଙ୍କୁ ଗୁଳି ମାରିଥିବା ସୂଚନା ମିଳିଛି । ୫ରାଉଣ୍ଡ ଗୁଳି ମରାଯାଇଥିବା ବେଳେ ୨ଟି ଗୁଳି ପୀଡ଼ିତଙ୍କ ଦେହରେ ବାଜିଥିଲା । ତୁରନ୍ତ ତାଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଏବେ ତାଙ୍କର ଅବସ୍ତା ଗୁରୁତର ଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଘଟଣାର ୪ଦିନ ପୂର୍ବରୁ ଅଟୋ ଷ୍ଟାଣ୍ଡକୁ ଜଣେ ମହିଳା ଆସି ନିଜ ଗନ୍ତବ୍ୟ ସ୍ଥଳର ଠିକଣା ଦେଇଥିଲେ । ଅନ୍ୟ ଅଟୋ ଚାଳକମାନେ ୪୦୦ଟଙ୍କା କହୁଥିବା ବେଳେ ରଶିଦ ୩୦୦ଟଙ୍କା ନେଇ ମହିଳାଙ୍କୁ ତାଙ୍କ ଗନ୍ତବ୍ୟ ସ୍ଥଳରେ ଛାଡ଼ିଥିଲେ । ଏହି ଘଟଣା ପରେ ରଶିଦଙ୍କ ସାଥୀ ଚାଳକମାନେ ରାଗିଯାଇ ଶୁକ୍ରବାର ରଶିଦଙ୍କୁ ଘର ବାହାରକୁ ଡ଼ାକି ତାଙ୍କ ଉପରକୁ ଗୁଳି ଚଳାଇଥିଲେ । ଏ ନେଇ ତୁରନ୍ତ ପୁଲିସକୁ ଖବର ଦିଆଯିବା ପରେ ପୁଲିସ ଘଟଣାସ୍ଥଳରେ ପହଞ୍ଚି ରଶିଦଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଇଥିଲେ ।