ଶୋଇଥିବା ସମୟରେ ମହିଳାଙ୍କୁ ଅଶାଳୀନ ଭାବେ ସ୍ପର୍ଶ କଲେ ଡିଆଇଜି ର୍ୟାଙ୍କ ଅଧିକାରୀ, ତଦନ୍ତ ଆରମ୍ଭ କଲା ପୁଲିସ
ଜବାଲପୁର : ଜବାଲପୁରର ସରକାରୀ ରେଳ ପୁଲିସ(ଜିଆର୍ପି) ଡିଆଇଜି ର୍ୟାଙ୍କ ଆର୍ପିଏଫ୍ ଅଫିସରଙ୍କ ବିରୋଧରେ ଏତଲା ରୁଜୁ କରିଛି । ଇନ୍ଦୋରରୁ ଜବାଲପୁର ଆସୁଥିବା ଏକ୍ସପ୍ରେସ ଟ୍ରେନରେ ଡିଆଇଜି ର୍ୟାଙ୍କ ଅଫିସର ଜଣେ ମହିଳା ଶୋଇଥିବା ଅବସ୍ଥାରେ ତାଙ୍କୁ ଅଶାଳୀନ ଭାବେ ସ୍ପର୍ଶ କରିଥିଲେ । ଘଟଣାଟି ଶ୍ରୀଧାମ୍ ଓ ନରସିଂହପୁର ଷ୍ଟେସନ ମଧ୍ୟରେ ଘଟିଥିବା ବେଳେ ଅଭିଯୁକ୍ତ ଅଧିକରୀଙ୍କୁ ଅଟକ ରଖି ପଚରାଉଚରା କରୁଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତାଙ୍କ ଅନୁଯାୟୀ, ଶୋଇଥିବା ସମୟରେ ମୋତେ କେହି ସ୍ପର୍ଶ କଲା ଭଳି ଅନୁଭବ ହେବାରୁ ମୋ ନିଦ ଭାଙ୍ଗି ଯାଇଥିଲା । ଯାହା ପରେ ମୁଁ ମୋ ପାଖରେ ଡିଆଇଜି ଅଧିକାରୀଙ୍କୁ ଠିଆ ହୋଇଥିବା ଦେଖିଥିଲି । ଡ଼ରରେ ମୁଁ ପାଖ ଲୋକଙ୍କୁ ଡ଼ାକିବା ପରେ ସେ ମୋତେ ଶାନ୍ତ ରହିବାକୁ କହିଥିଲେ । ଯାହା ପରେ ଜବାଲପୁରରେ ଟ୍ରେନ ପହଞ୍ଚିବା ପରେ ମୁଁ ଜିଆରପି ଅଧିକାରୀଙ୍କୁ ଏ ନେଇ ଅଭିଯୋଗ କରିଥିଲି ବୋଲି କହିଛନ୍ତି ପୀଡ଼ିତା ।
ଅନ୍ୟ ପକ୍ଷରେ, ରାତିରେ ଶୌଚାଳୟ ଉଠିବା ସହ ମୁଁ ପାଣି ବୋତଲ ଧରି ଭିତରକୁ ଆସୁଥିବା ବେଳେ ମୋର ଗୋଡ଼ ଖସି ଯାଇଥିଲା । ପାଣି ବୋତଲଟି ତଳକୁ ପଡ଼ି ଯାଇଥିବାରୁ ମୁଁ ତଳକୁ ନଇଁ ଆଣିବା ସମୟରେ ମୋ ହାତ ମହିଳାଙ୍କ ଦେହରେ ଭୁଲବଶତଃ ବାଜି ଯାଇଥିଲା । ଯାହାକୁ ସେ ଭୁଲ ଭାବି ନେଇଥିଲେ ବୋଲି ପଚରାଉଚରା ସମୟରେ କହିଛନ୍ତି ଡିଆଜି ଅଧିକାରୀ ।