ଝିଅ ଯୌନ ଶୋଷଣର ଆରୋପ ଲଗାଇବା ପରେ ୫୦ ବର୍ଷ ଜେଲ ଦଣ୍ଡ ଶୁଣାଇଲା ଅଦାଲତ, ଘରେ ଥିବା ପାଳିତ କୁକୁର ପାଇଁ ଜେଲ ଦଣ୍ଡରୁ ବଞ୍ଚିଗଲା ବାପା
ନୂଆଦିଲ୍ଲୀ: ଝିଅ ଯୌନ ଶୋଷଣର ଆରୋପ ଲଗାଇବା ପରେ ୫୦ବର୍ଷର ଜେଲ ଦଣ୍ଡ ଶୁଣାଇଲା ଅଦାଲତ । ଅଦାଲତ ଜେଲ ଦଣ୍ଡ ଶୁଣାଇବା ପୂର୍ବରୁ ଯୁବକ ଜଣଙ୍କ ନିଜକୁ ନିର୍ଦ୍ଦୋଷ ସାବ୍ୟସ୍ତ କରିବା ପାଇଁ ଅନେକ ଥର ଚେଷ୍ଟା କରିବା ପରେ ନିଜକୁ ନିର୍ଦ୍ଦୋଷ ସାବ୍ୟସ୍ତ କରି ପାରି ନଥିଲେ । ଯାହା ପରେ ତାଙ୍କୁ ୫୦ବର୍ଷ ପାଇଁ ଜେଲ ଦଣ୍ଡାଦେଶ ଦେଇଥିଲା ଅଦାଲତ ।
ତେବେ, ୧୭ମାସ ଜେଲ ଦଣ୍ଡ ଭୋଗିବା ପରେ ଯୁବକଙ୍କ ଘରେ ଥିବା କୁକୁର ପ୍ରକୃତ ସତ ସାମ୍ନାକୁ ଆଣି ପାରିଥିଲା । ଏହି ଘଟଣାଟି ଘଟିଥିଲା ଓ୍ଵାଂଶିଟନର ରେଡ଼ମଣ୍ଡ ସହରରେ । ସୂଚନା ମୁତାବକ, ରେଡ଼୍ମଣ୍ଡ ସହରରେ ରହୁଥିବା ଜୋଶୁଆ ହାର୍ଣ୍ଣରଙ୍କ ଉପରେ ତାଙ୍କ ଝିଅ ଯୌନ ଶୋଷଣର ଆରୋପ ଲଗାଇଥିଲେ । ୨୦୦୬-୨୦୧୩ ପର୍ଯ୍ୟନ୍ତ ଜୋଶୁଆ ତାଙ୍କ ଝିଅକୁ ଯୌନ ଶୋଷଣ ଦେଇଥିଲେ ବୋଲି ତାଙ୍କ ଝିଅ ଅଭିଯୋଗ କରିଥିଲେ । ଏହା ସହ ପର୍ଣ୍ଣ ଫିଲ୍ମ ଦେଖାଇବା ସହ ଏ ବିଷୟରେ କାହାକୁ ନ କହିବା ପାଇଁ ଧମକ ଦେଇଥିଲେ । କାହାକୁ କହିଲେ ଘରେ ଥିବା ପାଳିତ କୁକୁର ଲୁସି ଏବଂ ମୋତେ ମାରିବାକୁ ଧମକ ଦେଇଥିଲେ ବୋଲି ଜୋଶୁଆଙ୍କ ଝିଅ ଅଦାଲତକୁ ଜଣାଇଥିଲେ । ଥରେ ମୋତେ ସେ ଛୁଇଁବାକୁ ଚେଷ୍ଟା କରୁଥିବା ବେଳେ ମୁଁ ତାଙ୍କୁ ମନା କରିଥିଲି । ଯାହା ପରେ ସେ ମୋ ଲୁସିକୁ ଗୁଳି କରି ହତ୍ୟା କରିଥିଲେ । ନିଜ ଝିଅ ଏତେ ସବୁ ଆରୋପ ଲଗାଇବା ପରେ ‘ଲୁସିକୁ ମୁଁ ମାରି ନାହିଁ । ସେ ନିଜେ ଘରୁ କେଉଁଆଡ଼େ ଚାଲି ଯାଇଥିବା’ କହିଥିଲେ ଜୋଶୁଆ । କିନ୍ତୁ ତାଙ୍କ ପାଖରେ କୌଣସି ପ୍ରମାଣ ନଥିବାରୁ ତାଙ୍କୁ ବିନା ଦୋଷରେ ଜେଲ ଦଣ୍ଡ ଭୋଗିବାକୁ ପଡ଼ିଥିଲା ।
Sambad is now on WhatsApp
Join and get latest news updates delivered to you via WhatsApp
୬ମାସ ଜେଲ୍ ଦଣ୍ଡ ଭୋଗିବା ପରେ ଜୋଶୁଆ ନିର୍ଦ୍ଦୋଷ ଲୋକଙ୍କୁ ନ୍ୟାୟ ଦେବା ପାଇଁ ଲଢ଼ୁଥିବା ସଂଗଠନ ଓରେଗନ ଇନୋସେନ୍ସ ପ୍ରୋଜେକ୍ଟ ସହ ସଂପର୍କ କରିଥିଲେ । ସଂଗଠନର ସଦସ୍ୟ ଆସି ଜୋଶୁଆଙ୍କୁ ଦେଖା କରିବା ପରେ ଲୁସିକୁ ନେଇ ତାଙ୍କର ସନ୍ଦେହ ଉପୁଜିଥିଲା । ଲୁସି ଦେଖିବାକୁ କେମିତି ତାହାର ସୂଚନା ନେଇ ଖୋଜିବା ପରେ ଶେଷରେ ତାହାର ପତ୍ତା ମିଳିଥିଲା । ମାମଲାର ପୁନଃ ଶୁଣାଣି କରାଯିବା ପରେ ଜୋଶୁଆଙ୍କ ଝିଅ ତାଙ୍କ ଉପରେ ମିଛ ଆରୋପ ଲଗାଇଥିବା ଜଣା ପଡ଼ିଥିଲା । ଯାହା ପରେ ୧୭ମାସ ଜେଲ ଦଣ୍ଡ ପରେ ତାଙ୍କୁ ମୁକ୍ତ କରାଯାଇଥିଲା ।