ଗାଡ଼ିର ନମ୍ବର ପ୍ଲେଟ୍ରେ ପଦ୍ମ ଚିହ୍ନ ଲଗାଇ ଫସିଲେ ପୁଲିସକର୍ମୀ, ରୁଜୁ ହେଲା ଏତଲା
ଲକ୍ଷ୍ନୌ : ବାଇକ୍ର ନମ୍ବର ପ୍ଲେଟ୍ରେ ବିଜେପି ଦଳର ଚିହ୍ନ ପଦ୍ମକୁ ତିଆରି କରି ଫସିଛନ୍ତି ଉତ୍ତରପ୍ରଦେଶର ପୁଲିସ ସବ୍ ଇନ୍ସପେକ୍ଟର । ସୋସିଆଲ ମିଡିଆରେ ଜଣେ ପୁଲିସକର୍ମୀଙ୍କ ଫଟୋ ଭାଇରାଲ ହେବା ପରେ ପୁଲିସ ଫଟୋକୁ ଯାଞ୍ଚ କରି ପୁଲିସ ସବ୍ ଇନ୍ସପେକ୍ଟର ପରିଚୟ ପାଇ ପାରିଥିଲେ । ଯାହା ପରେ ପୁଲିସ ସବ୍ ଇନ୍ସପେକ୍ଟରଙ୍କ ବିରୋଧରେ ଆଦର୍ଶ ଆଚରଣ ବିଧି ଉଲ୍ଲଂଘନ କରିଥିବାର ଆରୋପ ଲଗାଯାଇ ଏତଲା ରୁଜୁ କରିଥିବା ଜଣାପଡ଼ିଛି । ଏହା ସହ ପୁଲିସ ସବ୍ ଇନ୍ସପେକ୍ଟରଙ୍କ ବାଇକ୍କୁ ମଧ୍ୟ ଜବତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଜିଲ୍ଲା ପୁଲିସ ପ୍ରବକ୍ତା ଆଶିଷ ଦିବେଦୀଙ୍କ କହିବା ଅନୁଯାୟୀ, ଠାକୁରଗଞ୍ଜ ପୁଲିସ ଷ୍ଟେସନରେ ମୁତୟନ ଥିବା ପୁଲିସ ସବ୍ ଇନ୍ସପେକ୍ଟରଙ୍କ ନାଁ ଅବ୍ନୀଶ ସିଂହ ବୋଲି ଜଣା ପଡ଼ିଛି । ଏସ୍ଏସ୍ପି କଳାନିଧି ନୈଥାନୀ ଏହି ମାମଲାକୁ ଗମ୍ଭୀରତାର ସହ ନେବା ସହ ତଦନ୍ତ ଜାରି ରଖିଛନ୍ତି । ପୁଲିସ ସବ୍ ଇନ୍ସପେକ୍ଟର ଅବ୍ନୀଶଙ୍କ ବିରୋଧରେ ଧାରା ୧୮୮ଅନୁଯାୟୀ ଏତଲା ରୁଜୁ ହୋଇଛି ।
ସୂଚନା ମୁତାବକ, ନମ୍ବର ପ୍ଲେଟ୍ର କୌଣସି ଚିହ୍ନ ରଖିବା ଏକ ଅପରାଧ । କାରଣ ପରିବହନ ନିୟମ ଅନୁଯାୟୀ, ନମ୍ବର ପ୍ଲେଟ୍ରେ ନମ୍ବର ବ୍ୟତିତ ଅନ୍ୟ କିଛି ଲେଖାଗଲେ ତାହା ଆଇନ ବିରୁଦ୍ଧ । ଏଭଳି କରିବା ଦ୍ୱାରା ଆର୍ଟିଓ ବା ଏଆର୍ଟିଓ ଗାଡ଼ି ମାଲିକ ବିରୋଧରେ କାର୍ଯ୍ୟନୁଷ୍ଠାନ ମଧ୍ୟ ଗ୍ରହଣ କରି ପାରିବେ । କିନ୍ତୁ ଆଜିକାଲି ଲୋକମାନେ ଏଭଳି ଭୁଲ କରିବାକୁ ପଛାଉ ନାହାନ୍ତି ।