ପୁଲିସଠୁ ବି ଚତୁର ଚୋର ! ସିବିଆଇ କନଷ୍ଟେବଳଙ୍କ ବ୍ୟାଙ୍କ ଖାତାରୁ ଉଡ଼ାଇନେଲେ ୯୪ ହଜାର ଟଙ୍କା

1 673

ନୂଆଦିଲ୍ଲୀ : ଆଜିକାଲି ଲୋକମାନେ ଗୋଟିଏ ସ୍ଥାନକୁ ଯାଇ ଚୋରି କରିବା ପରିବର୍ତ୍ତେ ଘରେ ବସି ଚୋରି କରିବା ଆରମ୍ଭ କରିଛନ୍ତି । ଅନ୍‌ଲାଇନ୍‌ ବ୍ୟାଙ୍କିଙ୍ଗର ବ୍ୟବହାର ପାଇଁ ଚୋରମାନେ ଘରେ ବସି ଅନ୍ୟ ଆକାଉଣ୍ଟରୁ ନିଜ ଆକାଉଣ୍ଟକୁ ଟଙ୍କା ଉଠାଇ ନେଉଛନ୍ତି । ଏଥି ପାଇଁ ସାଧାରଣ ଲୋକମାନଙ୍କୁ ସଚେତନ କରାଯାଇଥିବା ବେଳେ ମଧ୍ୟ ଚୋରମାନେ ଚୋରି କରିବା ପାଇଁ ପ୍ରତିଦିନ ଭିନ୍ନ ଭିନ୍ନ ଉପାୟ ଆପଣାଉଥିବା ଦେଖିବାକୁ ମିଳିଛି । ଏବେ ଜଣେ ସିବିଆଇ କନଷ୍ଟେବଳ ସାଇବର ଅପରାଧୀଙ୍କ କବଳରେ ପଡ଼ିଥିବା ଅଭିଯୋଗ ହୋଇଛି । ଜଣେ ସିବିଆଇ କନେଷ୍ଟବଳଙ୍କ ଆକାଉଣ୍ଟରୁ ସାଇବର ଅପରାଧୀମାନେ ୯୪ହଜାର ଟଙ୍କା ଉଠାଇ ନେବା ଘଟଣା ସମସ୍ତଙ୍କ ଆଶ୍ଚର୍ଯ୍ୟ କରିଛି ।

ସାଧାରଣ ଲୋକଙ୍କ ଭଳି ସିବିଆଇ କନଷ୍ଟେବଳ ମଧ୍ୟ ନିଜ ବ୍ୟାଙ୍କ ଆକାଉଣ୍ଟର ବିବରଣୀ ଅଜଣା ନମ୍ବରରୁ ଆସିଥିବା ଫୋନ ଜରିଆରେ ଦେଇଥିଲେ । ଏହାର କିଛି ସମୟରେ ତାଙ୍କ ବ୍ୟାଙ୍କ ଖାତାରୁ ୯୪ହଜାର ଟଙ୍କା ଚୋରି ହୋଇ ଯାଇଥିଲା । ଏ ନେଇ ସେ ପ୍ରଥମେ ନିଜ ଅଫିସରେ ଜଣାଇବା ପରେ ଦକ୍ଷିଣ ଦିଲ୍ଲୀର ସାକେତ ପୁଲିସ ଷ୍ଟେସନରେ ଲିଖିତ ଅଭିଯୋଗ କରିଥିଲେ ।

Panda Mobile only
ZDNet

ଅଭିଯୋଗ ଅନୁଯାୟୀ, ପୀଡ଼ିତଙ୍କୁ କିଛି ଦିନ ପୂର୍ବରୁ ବ୍ୟାଙ୍କ୍‌ର ଆପ୍‌ ବ୍ୟବହାର କରିବାରେ ଅସୁବିଧା ହେଉଥିଲା । ଏହାର କାରଣ ଜାଣିବା ପାଇଁ ସେ ବ୍ୟାଙ୍କର କଷ୍ଟମର କେୟାର ନମ୍ବରକୁ ଫୋନ କରିଥିଲେ । କଷ୍ଟମର କେୟାର ଅଧିକାରୀ ଫୋନ ଉଠାଇ ପ୍ରଥମେ ଆପ୍‌ କାମ କରୁନଥିବା କହିଥିଲେ । ଏହା ପରେ ବ୍ୟାଙ୍କ କଷ୍ଟମର କେୟାର ଅଧିକାରୀ ପିନ୍‌ ନମ୍ବର,ସିବିବି ଏବଂ ଓଟିପି ନମ୍ବର ମାଗିଥିଲେ । କନଷ୍ଟେବଳ ଜଣଙ୍କ ସବୁ ବିବରଣୀ ଦେବା ପରେ ପୀଡ଼ିତଙ୍କ ଆକାଉଣ୍ଟରୁ ତୁରନ୍ତ ୯୪ହଜାରଟଙ୍କା ଗାଏବ ହୋଇ ଯାଇଥିଲା ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. SATYA NARAYAN DASH says

    Very nice