ଧୋକାବାଜ୍ ପ୍ରେମିକକୁ ହତ୍ୟା କରି ତା’ ମାଂସରେ ଖାଦ୍ୟ ପ୍ରସ୍ତୁତ କରି ବୁଲା କୁକୁରକୁ ଖୁଆଇଲା ପ୍ରେମିକା
ନୂଆଦିଲ୍ଲୀ : ମୋରକ୍କୋରେ ଘଟିଛି ଏକ ଆଶ୍ଚର୍ଯ୍ୟଜନକ ଘଟଣା । ପ୍ରେମରେ ଧୋକା ଖାଇବା ପରେ ପ୍ରେମିକା କରିଥିବା କାମ ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ପ୍ରେମିକ ଧୋକା ଦେଉଥିବା ଜାଣି ପ୍ରେମିକା ନିଜ ୨୦ବର୍ଷୀୟ ପ୍ରେମିକର ହତ୍ୟା କରିବା ସହ ମାଂସକୁ ଗ୍ରାଇଣ୍ଡିଂ କରି ଚୁନା କରିଥିଲେ । ଏହା ପରେ ଏହି ମାଂସକୁ ନେଇ ପାରମ୍ପାରିକ ଆରବୀ ଖାଦ୍ୟ ମୈଚ୍ବୁସ୍ ପ୍ରସ୍ତୁତ କରିଥିଲେ । ପରେ ସେହି ଖାଦ୍ୟକୁ ସେ ପାଖରେ କାମ କରୁଥିବା ଦିନ ମଜୁରିଆଙ୍କୁ ଦେବା ସହ ବୁଲା କୁକୁରକୁ ଖାଇବାକୁ ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ମହିଳା ମୃତ ଯୁବକଙ୍କ ସହ ୭ବର୍ଷ ହେଲା ପ୍ରେମ ସଂପର୍କରେ ରହିଥିବା ବେଳେ ଯୁବକଙ୍କ ସମସ୍ତ ଖର୍ଚ୍ଚ ସେ ଉଠାଉଥିଲେ । କିନ୍ତୁ ୭ ବର୍ଷ ପରେ ଯୁବକ ଆଉ ଜଣଙ୍କ ସହ ପ୍ରେମ ସଂପର୍କ ରଖିଥିବା ଜାଣି ପାରିଥିଲେ ଅଭିଯୁକ୍ତ ମହିଳା । ଏହାର ପରିଣାମ ସ୍ୱରୂପ ସେ ନିଜ ୭ବର୍ଷର ପ୍ରେମକୁ ଶେଷ କରିବାର ନିଷ୍ପତ୍ତି ନେଇଥିଲେ । ହତ୍ୟା ପରେ ଅଭିଯୁକ୍ତ ମହିଳା ନିଜର ଦୋଷ ସ୍ୱୀକାର କରିବା ସହ କରିଥିବା ଅପରାଧ ପାଇଁ ଜମା ବି ଦୁଃଖିତ ନ ଥିବା କହିଛନ୍ତି ।