ଅନ୍ତେବାସୀଙ୍କୁ ନିର୍ଯାତନା
ଖଣ୍ଡଗିରି: ସ୍ଥାନୀୟ ଗାନ୍ଧୀ ଯୁକ୍ତ ଦୁଇ ଓ ଯୁକ୍ତ ତିନି କଲେଜର ଛାତ୍ରାବାସରେ ଛାତ୍ରମାନଙ୍କୁ ୱାର୍ଡେନ୍ ନିର୍ଯାତନା ଦେଉଥିବା ଅଭିଯୋଗ ହୋଇଛି। ଭିଡିଓ ଭାଇରାଲ୍ରୁ ଘଟଣା ପ୍ରଘଟ ହେବା ପରେ କଲେଜ ଅଧ୍ୟକ୍ଷ ସୁଧାଂଶୁ ଶେଖର ମହାରଣା ଖଣ୍ଡଗିରି ଥାନାରେ ଲିଖିତ ଅଭିଯୋଗ କରି ତଦନ୍ତ ଓ ବିହିତ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ପୁଲିସ ଅଭିଯୋଗ ପାଇବା ପରେ ଏକ ମାମଲା ରୁଜୁ କରି ଅଧିକ ଖୋଳତାଡ଼ କରୁଛି। ତେବେ ଏହି ମାମଲାର ତଦନ୍ତ ସରିନଥିବାରୁ ଅଭିଯୁକ୍ତ ୱାର୍ଡେନ୍ଙ୍କୁ ଗିରଫ କରାଯାଇନାହିଁ ବୋଲି ଥାନା ସୂତ୍ରରୁ ସୂଚନା ମିଳିଛି।