କିଛି ଦିନର ବନ୍ଧୁତା ପରେ ବଦଳିଲା ଚିତ୍ର, ମା’ଙ୍କ ଗହଣା ସହ ଇଜ୍ଜତ ହରାଇଲେ ସବ୍ଇନ୍ସ୍ପେକ୍ଟରଙ୍କ ଝିଅ
ଭୋପାଳ: ଭୋପାଳରେ ଜଣେ ସବ୍ଇନ୍ସ୍ପେକ୍ଟରଙ୍କ ଝିଅ ବ୍ଲାକ୍ମେଲ ସହ ଦୁଷ୍କର୍ମର ଶିକାର ହୋଇଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଚାକିରି ଦେବା ବାହାନାରେ ପୀଡ଼ିତାଙ୍କ ସାଙ୍ଗମାନେ ତାଙ୍କଠାରୁ ଅନେକ ଗହଣା ଲୁଟିନେବା ସହ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୀଡ଼ିତାଙ୍କ ଅଭିଯୋଗ ପରେ ଏବେ ପୁଲିସ ତଦନ୍ତ ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପୀଡ଼ିତା ଏକ ଘରୋଇ କଲେଜରେ ପଢ଼ୁଥିବା ବେଳେ ତାଙ୍କର ବନ୍ଧୁତା ପ୍ରଶାନ୍ତ ଦାହିଆ, ପ୍ରତୀକ୍ ଦାହିଆ, ସୌରଭ ରଘୁବଂଶୀ ଏବଂ ନୀତିନ ରଘୁବଂଶୀଙ୍କ ସହ ହୋଇଥିଲା । ପୀଡ଼ିତା ପ୍ରଥମେ ପ୍ରଶାନ୍ତଙ୍କ ସହ କଥା ହେବା ଆରମ୍ଭ କରିଥିଲେ । କିନ୍ତୁ କିଛି ଦିନ ପରେ ଯେତେବେଳେ ପୀଡ଼ିତା ପ୍ରଶାନ୍ତଙ୍କୁ ଫୋନ କରୁଥିଲେ ସେତେବେଳେ ପ୍ରତୀକ୍ ଫୋନ ଉଠାଇବା ସହ ପ୍ରଶାନ୍ତ ଦେହ ଖରାପ କହି ନିଜେ କଥା ହେବା ଆରମ୍ଭ କରିଥିଲା । କିଛି ଦିନ କଥା ହେବା ପରେ ପୀଡ଼ିତା ପ୍ରତୀକ୍ଙ୍କ ନିକଟତର ହୋଇଥିଲେ । ଏହାର ଫାଇଦା ଉଠାଇ ପ୍ରତୀକ୍ ପୀଡ଼ିତାଙ୍କ ଅନ୍ତରଙ୍ଗ ଫଟୋ ଉଠାଇବା ସହ ତାଙ୍କୁ ବ୍ଲାକ୍ମେଲ କରିଥିଲେ । ଟଙ୍କା ମାଗିବାରୁ ପୀଡ଼ିତା ୪୦ହଜାର ଟଙ୍କା ଦେଇ ଫଟୋ ଘରକୁ ପଠାଅ ନାହିଁ ବୋଲି କହିଥିଲେ । ଜାନୁଆରି ୨୦୧୮ରୁ ଜୁଲାଇ ୨୦୧୮ ପର୍ଯ୍ୟନ୍ତ ଚାକିରି ଦେବାର ଆଶା ଏବଂ ଫଟୋ ଭାଇରାଲ କରିବାର ଧମକ ଦେଇ ଅଭିଯୁକ୍ତମାନେ ପୀଡ଼ିତାଙ୍କଠାରୁ ୪ଲକ୍ଷ ଟଙ୍କା ନେଇ ସାରିଥିଲେ । ଶେଷରେ ପୁଲିସରେ ଅଭିଯୋଗ କରିବା କଥା କହିବା ପରେ ପୀଡ଼ିତାଙ୍କୁ ଏକ ଢ଼ାବାକୁ ଡ଼ାକି ଦୁଷ୍କର୍ମ କରିଥିଲା ପ୍ରତୀକ୍ । ସବୁ ହାରିବା ପରେ ଶେଷରେ ପୁଲିସ ଆଗରେ ୪ଜଣ ସାଙ୍ଗଙ୍କ ବିରୋଧରେ ଅଭିଯୋଗ କରିଥିଲେ ପୀଡ଼ିତା । ପୁଲିସ ଅଭିଯୋଗ ଗ୍ରହଣ କରିବା ସହ ଅଭିଯୁକ୍ତମାନଙ୍କୁ ଗିରଫ କରିବାର ଉଦ୍ୟମ କରୁଥିବା ଜଣା ପଡ଼ିଛି ।