ବହୁ ମହିଳାଙ୍କ ସହ ଅଶ୍ଳୀଳ ହରକତ କରୁଥିବା ଗେରୁଆ ପିନ୍ଧା ବାବାଙ୍କ ଭିଡିଓ ଭାଇରାଲ୍; ଲୋକେ ତାତିଲେ
ଯୋଧପୁର: ରାଜସ୍ଥାନ ଯୋଧପୁରରେ ଜଣେ ତଥାକଥିତ ବାବାଙ୍କ ଯୌନ କେଳେଙ୍କାରୀ ଭିଡିଓ ଭାଇରାଲ ହେଉଛି । ଏହି ଭିଡିଓରେ ଗେରୁଆ ବେଶଧାରୀ ଅନେକ ମହିଳାଙ୍କ ସହିତ ବାବା ରାସଲୀଳା କରୁଥିବା ଦେଖିବାକୁ ମିଳିଛି । ଭିଡିଓଟି ସାମନାକୁ ଆସିବା ପରେ ସ୍ଥାନୀୟ ଲୋକଙ୍କ ଭିତରେ ଅସନ୍ତୋଷ ପ୍ରକାଶ ପାଇଛି । ଯୋଧପୁରରେ ଜନସାଧାରଣ ଅଭିଯୁକ୍ତ ବାବାଙ୍କୁ ଗିରଫ କରିବା ପାଇଁ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅଭିଯୁକ୍ତ ବାବାଙ୍କ ଅଶ୍ଳୀଳ ଭିଡିଓ ଏବଂ ଜନ ଅସନ୍ତୋଷକୁ ଆଖିରେ ରଖି ପୁଲିସ ଭିଡିଓ ଭାଇରାଲ କରିଥିବା ବ୍ୟକ୍ତିଙ୍କ ବିରୁଦ୍ଧରେ ମାମଲା ରୁଜୁ କରିଛି । ଭିଡିଓରେ ଗେରୁଆ ପିନ୍ଧା ଅଭିଯୁକ୍ତ ବାବା ଅନେକ ମହିଳାଙ୍କ ସହିତ ରାସଲୀଳା କରୁଥିବା ଦେଖିବାକୁ ମିଳିଛି । ଏହି ଭିଡିଓକୁ ନେଇ କୌଣସି ପ୍ରକାରର ସମ୍ଭାଭିତ ପ୍ରତିକ୍ରିୟା ଉପରେ ପୁଲିସ ନଜର ରଖିଛି । ଯୋଧପୁରର ଡିସିପି ଧର୍ମେନ୍ଦ୍ର କୁମାରଙ୍କ ମୁତାବକ ସୋସିଆଲ ମିଡିଆରେ ଭିଡିଓଟି ଭାଇରାଲ ହେବା ପରେ କେହି ଏହା ବିରୁଦ୍ଧରେ ମାମଲା ରୁଜୁ କରିନାହାନ୍ତି । କିନ୍ତୁ ପରିସ୍ଥିତିକୁ ଦୃଷ୍ଟିରେ ରଖି ପୁଲିସ ନିଜ ତରଫରୁ ଏହି ଘଟଣାର ତଦନ୍ତ ଜାରି ରଖିଛି ।
ସୂଚନାନୁସାରେ, ପୂର୍ବରୁ ମଧ୍ୟ ବିଜେପି ସାଂସଦ ସ୍ୱାମୀ ଚିନ୍ମୟାନନ୍ଦଙ୍କ ଜଣେ ଯୁବତୀଙ୍କ ଠାରୁ ମାଲିସ କରାଉଥିବା ନେଇ ଭିଡିଓ ଭାଇରାଲ ହେଇଥିଲା, ଯାହା ଖୁବ୍ ଚର୍ଚ୍ଚାକୁ ଆସିଥିଲା । ଏହି ଘଟଣାରେ ରାଜନୈତିକ ଚର୍ଚ୍ଚା ଜୋର ଧରିବା ସହ ବିଜେପିକୁ ଅନେକ ପ୍ରଶ୍ନବାଚୀର ସାମ୍ନା କରିବାକୁ ପଡିଥିଲା ।