ଫିଲ୍ମ ଷ୍ଟାଇଲରେ ଫେରାର ହେଲା କଏଦୀ, ଶୌଚାଳୟ ବାହାରେ ଅପେକ୍ଷା କରି ରହିଗଲେ ପୁଲିସକର୍ମୀ
ଗୁରୁଗ୍ରାମ : ଗୁରୁଗ୍ରାମର ଏକ ସରକାରୀ ଡ଼ାକ୍ତରଖାନାରୁ କଏଦୀ ଫେରାର ହୋଇଯିବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । କଏଦୀଙ୍କ ନାଁ ଆୟୁଷ ଥିବା ବେଳେ ସେ ଗୁଜୁରାଟର ବାସିନ୍ଦା ଥିଲେ ବୋଲି ଜଣା ପଡ଼ିଛି । ଜୁନ୍ ୧୫ରେ ଆୟୁଷଙ୍କ ଶରୀରର ସର୍କରା ସ୍ତର ବଢ଼ିଯିବାରୁ ତାଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ଶୌଚାଳୟ ଯିବା ବାହାନା କରି ଆୟୁଷ ଫେରାର ହୋଇ ଯାଇଥିବା ଜଣା ପଡ଼ିଛି । ଗତବର୍ଷ ଆୟୁଷଙ୍କୁ ଗିରଫ କରାଯାଇଥିବା ବେଳେ ଏବେ ପୁଲିସ ଆୟୁଷର ତଲାସି ଆରମ୍ଭ କରିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଆୟୁଷଙ୍କୁ ୨୦୧୮ରେ ଭାରତୀୟ ଦଣ୍ଡବିଧାନ ଧାରା ୪୨୦, ୪୬୭ ଏବଂ ୪୬୮ଅନୁଯାୟୀ ଗିରଫ କରାଯାଇଥିଲା । ମଧୁମେହ ସମସ୍ୟା ଥିବାରୁ ଆୟୁଷକୁ ଜୁନ୍ ୧୫ରେ ଡ଼ାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ଶୌଚାଳୟ ଯିବା ପାଇଁ କହି ଆୟୁଷ ପଛପଟୁ କବାଟ ଦେବା ସହ ଶୌଚାଳୟର ଝରକା ଭାଙ୍ଗି ଫେରାର ହୋଇ ଯାଇଥିଲେ । ବାହାରେ ପୁଲିସକର୍ମୀମାନେ ଅପେକ୍ଷା କରି ରହିଥିଲେ ମଧ୍ୟ ମିଛି ସମୟ ପର୍ଯ୍ୟନ୍ତ ଜାଣି ପାରି ନଥିଲେ । ପରେ ଜଣା ପଡ଼ିବା ବେଳକୁ ଆୟୁଷ ଫେରାର ହୋଇ ସାରିଥିଲା ।