ହରିୟାଣାରେ ଗଣଦୁଷ୍କର୍ମର ଶିକାର ହେଲେ ବିଦେଶିନୀ, ଛାଡ଼ି ଦେବା ବାହାନାରେ ୧୦ଜଣ ମିଶି କଲେ ଗଣଦୁଷ୍କର୍ମ
ଚଣ୍ଡିଗଡ଼ : ହରିୟାଣାରେ ଘଟିଛି ଏକ ଲଜ୍ଜାଜନକ ଘଟଣା । କେନିଆରୁ ଭାରତ ଭ୍ରମଣରେ ଆସିଥିବା ଜଣେ ୩୧ବର୍ଷିୟା ମହିଳାଙ୍କୁ ୧୦ଜଣ ଯୁବକ ମିଶି ଗଣଦୁଷ୍କର୍ମ କରିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏ ନେଇ ପୀଡ଼ିତା ଜଣଙ୍କ ପୁଲିସରେ ଅଭିଯୋଗ କରିବା ପରେ ୧୦ଜଣଙ୍କ ମଧ୍ୟରୁ ୩ଜଣଙ୍କୁ ପୁଲିସ ଗିରଫ କରିବା ସହ ପୀଡ଼ିତାଙ୍କୁ ଡ଼ାକ୍ତରୀ ପରୀକ୍ଷା ପାଇଁ ଡ଼ାକ୍ତରଖାନାକୁ ପଠାଇଛି ।
ପୀଡ଼ିତା କରିଥିବା ଅଭିଯୋଗ ଅନୁଯାୟୀ, ସେ ଏକ ପାର୍ଟିରେ ଯୋଗ ଦେବା ପାଇଁ ଏମ୍ଜି ରୋଡ଼ରେ ଥିବା ବ୍ରିଷ୍ଟୋଲ ହୋଟେଲକୁ ଯାଇଥିଲେ । ରାତି ପ୍ରାୟ ୧୨.୪୦ ସମୟରେ ପାର୍ଟି ସରିବା ପରେ ରହୁଥିବା ସ୍ଥାନକୁ ଫେରିବା ପାଇଁ ସେ କ୍ୟାବ୍କୁ ଅପେକ୍ଷା କରିଥିବା ବେଳେ ଏକ ସ୍କର୍ପିଓ ଗାଡ଼ିରେ ୩ଜଣ ଆସି ତାଙ୍କ ପାଖରେ ପହଞ୍ଚିଥିଲେ । କୁଆଡ଼େ ଯିବେ ଆମେ ଛାଡ଼ି ଦେବୁ କହି ସେମାନେ ପୀଡ଼ିତାଙ୍କୁ ଗାଡ଼ିରେ ବସିବା ପାଇଁ କହିଥିଲେ । ମୁହଁରୁ ୩ଜଣ ଅତି ସାଧାରଣ ଦେଖା ଯାଉଥିବାରୁ ପୀଡ଼ିତା ଜଣଙ୍କ କିଛି ନ ଭାବି ଗାଡ଼ିରେ ବସି ପଡ଼ିଥିଲେ ।
Sambad is now on WhatsApp
Join and get latest news updates delivered to you via WhatsApp
କିଛି ବାଟ ଯିବା ପରେ ୩ଜଣ ଯୁବକ ତାଙ୍କ ସହ ଅସଦାଚରଣ କରିବା ଆରମ୍ଭ କରିବା ସହ ଏକ ଘର ସାମ୍ନାରେ ଗାଡ଼ି ରଖିଥିଲେ । ଏହା ପରେ ସେ ପୀଡ଼ିତାଙ୍କୁ ଘର ଭିତରକୁ ନେଇ ଯାଇ ତାଙ୍କ ସହ ଦୁଷ୍କର୍ମ କରିଥିଲେ । ଘର ଭିତରେ ପୂର୍ବରୁ ଦୁଇ ଜଣ ଯୁବକ ଉପସ୍ଥିତ ଥିଲେ । ଯେଉଁମାନେ ମିଶି ପୀଡ଼ିତାଙ୍କ ସହ ଦୁଷ୍କର୍ମ କରିଥିଲେ । ୫ଜଣ ଦୁଷ୍କର୍ମ କରି ସାରିବା ପରେ ସେମାନେ ନିଜର ଅନ୍ୟ ୫ଜଣ ସାଥୀଙ୍କୁୁ ଡ଼କାଇ ପୀଡ଼ିତାଙ୍କ ସହ ଦୁଷ୍କର୍ମ କରିବା ପାଇଁ କହିଥିଲେ । ଏଥିରୁ ବଞ୍ଚିବା ପାଇଁ ପୀଡ଼ିତା ଜଣଙ୍କ ଶୌଚାଳୟ ଯିବା ବାହାନାରେ ସେଠାରୁ ଖସି ପଳାଇ ଆସିଥିଲେ । କିଛି ବାଟ ଆସିବା ପରେ ଏକ ପିସିଆର୍ ଭ୍ୟାନ୍ ଦେଖି ସେ ନିଜ ସହ ଘଟିଥିବା ଘଟଣା ସଂପର୍କରେ ଜଣାଇଥିଲେ ।
ପୀଡ଼ିତାଙ୍କ ଠାରୁ ସବୁ ଶୁଣି ସାରି ପୁଲିସ ଘଟଣା ସ୍ଥଳରେ ପହଞ୍ଚିବା ବେଳକୁ ସଠାରେ କେବଳ ୩ଜଣ ଅଭିଯୁକ୍ତ ଉପସ୍ଥିତ ଥିବାରୁ ୩ଜଣଙ୍କୁ ଗିରପ କରିଥିଲା ପୁଲିସ ।