ଟଙ୍କା ଲୋଭରେ ଝିଅକୁ ଦୁଷ୍କର୍ମକାରୀଙ୍କ ହାତରେ ଟେକି ଦେଲା ମା’,ତା’ ପରେ….
ଚଣ୍ଡିଗଡ଼ : ଚଣ୍ଡିଗଡ଼ରେ ଘଟିଥିବା ଘଟଣା ଏବେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି । ସାମାନ୍ୟ କିଛି ଟଙ୍କା ପାଇଁ ଜଣେ ମହିଳା ମା’ର ମମତାକୁ ଭୁଲିଯିବା ସହ ଝିଅକୁ ଦୁଷ୍କର୍ମକାରୀଙ୍କ ହାତକୁ ଟେକି ଦେବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହି ଘଟଣା ସାମ୍ନାକୁ ଅସିବା ପରେ ପୁଲିସ ମାମଲା ରୁଜୁ କରିବା ସହ ଅଭିଯୁକ୍ତ ମା’କୁ ଗିରଫ କରିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ଅନୀତା(୪୫) ବିବାହ ଉତ୍ସବରେ ଯୋଗ ଦେବା ବାହାନାରେ ନିଜ ନାବାଳିକା ଝିଅକୁ ନେଇ ଜଗ୍ଦୀଶ କଲୋନିରେ ଥିବା ଏକ ମନ୍ଦିରରେ ପହଞ୍ଚିଥିଲେ । ସେଠରେ ପୂର୍ବରୁ ଅଜୟ ନାମକ ଜଣେ ଯୁବକ ଉପସ୍ଥିତ ଥିବା ବେଳେ ଅନୀତା ନିଜ ଝିଅକୁ ତାଙ୍କ ସହ ପଠାଇଥିଲେ । ଅଜୟ ପୀଡ଼ିତାଙ୍କୁ ନେଇ ଜନଶୂନ୍ୟ ସ୍ଥାନରେ ଥିବା ଏକ ଘରକୁ ନେବା ପରେ ସେଠାରେ ପୂର୍ବରୁ ଅନ୍ୟ ୩ଜଣ ଅଭିଯୁକ୍ତ ଉପସ୍ଥିତ ଥିଲେ । ୪ ଜଣ ମିଶି ସହ ୫ ଘଣ୍ଟା ଦୁଷ୍କର୍ମ କରିବା ପରେ ପୀଡ଼ିତାଙ୍କୁ ଆଣି ତାଙ୍କ ଘର ବାହାରେ ଛାଡ଼ି ଦେଇଥିଲେ ।
ପରଦିନ ଅଜୟ ପୀଡ଼ିତାଙ୍କ ଘରକୁ ଆସି ତାଙ୍କ ମା’ଙ୍କୁ ହଜାରେ ଟଙ୍କା ଦେଇଥିଲେ ବୋଲି ପୀଡ଼ିତା ପୁଲିସ ଆଗରେ ଜଣାଇଥିଲେ । ଟଙ୍କା ପାଇଁ ମୋ ମା’ ଜଣେ ପଡ଼ୋଶୀ ଦିଲ୍ବାଗ୍ ସିଂହଙ୍କୁ ମଧ୍ୟ ମୋ ସହ ଦୁଷ୍କର୍ମ କରିବାକୁ କହିଥିଲେ ବୋଲି ପୀଡ଼ିତା ପୁଲିସକୁ ଜଣାଇବା ପରେ ଅଭିଯୁକ୍ତ ମା’କୁ ପୁଲିସ ଗିରଫ କରିଛି । ଅନୀତାଙ୍କ ସମେତ ଅଜୟ ଏବଂ ଦିଲ୍ବାଗ୍ ସିଂହଙ୍କୁ ମଧ୍ୟ ପୁଲିସ ଗିରଫ କରିଥିବା ବେଳେ ଅନ୍ୟ ୩ଜଣ ଅଭିଯୁକ୍ତଙ୍କୁ ଖୋଜିବା ଆରମ୍ଭ କରିଛି ।